الـ ـ ـرجـ ـ ــال !!

[بندر البجيدي]

السلام عليكم ورحمة الله وبركاته

كيف حال الجميع

اعتذر لـ طول الغياب

من دون مقدمات ..

يابو فهد لاتلومني لامنّي شديت الرحال=ماعاد لي في ديرةٍ اهل الحسد ياطونها
قومٍ غثيثٍ مذهبَه والحال مافيها مجال=ابحث خوافي سيّئة وابوح عن مكنونها
باطنها خبث ومصلحه ، ظاهرها رزّة ارتجال=بالعين تبدي حبها بس البلى بعيونها
تعجب بزين اخلاقها وتقول مامثلَه مثال=واليا عرفت لشونها ، مبطي مْخبور لونها
مالي ومال الطامنه وانا انتمائي للطوال=اشفق على نيل الثقه من قوم الها وزونها
ودي رجالٍ صادقه ماهو كلامٍ في مقال=عزاز نفسٍ ترخص الغالي للي يبونها
مثْل الشيوخ اللي تذرّي مثْل ماتذرّي الجبال=صميدعيّه تعجز الفرّيس لاياتونها
ومثْل الرجال اللي خذت جود وفراسه وطيب فال=رجال موقف كسْبت السمعه بقوّ حصونها
سيرة بطل / قصة صبر / كتب وآلت للزوال=ماعاد إلا قلةٍ .. امن البشر يقرونها
راحت علوم المرجله مع وقت صعبين المنال=وجاتك علوم المصلحه في وقت من يبغونها
يابو فهد خذ هالعباره واقبلَه يابن الحلال=وان كان ماهي وافيه اشره على اللي يصونها
(لو فيه ميزه نايفه ماياصلَه كود الرجال=بتـْشوف ياكثر العرب اللي تْهفي من دونها)
هذي الرساله وْصلت من غير لاقيلٍ وقال=وان كان تجهل قصته يكفي ترى مضمونها

.
.
.
.

بندر نغيمش البجيدي

[سعوط المجانين]

(لو فيه ميزه نايفـه ماياصلَـه كـود الرجـال
بتْشوف ياكثر العرب اللي تْهفي مـن دونهـا


الله الله عليك

صح لسانك ولاهنت جزل جزل

...

[عبدالله الحجيلان]

بندر نغيمش البجيدي




لاهنت يالذيب


وصح لسانك

[عدنان مرضي]

بندر

صح لسانك حتى ترضى


دمت بخير

[ماجد الغانم]

الأخ العزيز

والشاعر الرائع

بندر البجيدي

صح لسانك .....ولاهنت

على هالقصيده الجزله

فالله درك ولا فض فوك

دائماً ماتتحفنا بإبداع جديد ومتميز ...

دمت بكل خير

ودام هذا التميز والأبدااع

[سعود العواجي]

بنــــدر



صح لسانك ملاااااييين ..

قصيده تحمل من الحكم ..


مبدع للثمـــــــــــاله



اخوك / سعود

[بندر البجيدي]

المشاركة الأصلية كتبت بواسطة سعوط المجانين

(لو فيه ميزه نايفـه ماياصلَـه كـود الرجـال
بتْشوف ياكثر العرب اللي تْهفي مـن دونهـا


الله الله عليك

صح لسانك ولاهنت جزل جزل

...

سعوط المجانين

صح بدنك .. ولاهنت على مرورك

تقبل شكري