ول يا وقتـــك ليـــا اعطـــاك المقفــــى...... - °~*¤®§(§ شبـــكة ويــلان العـربـيـه §)§®¤*~ˆ°

**خلف الغريب** · 25/10/07, (12:36 AM)

اخواني : بعد التحية خوذوا هالهدية

.

يا زمن وش باقي عندك مخفى؟=ليش تعلن حرب وتوجه قذايف؟
ما كفاك تقدم الضيم المصفى؟ =ولا كفاك العيش في ظلم وكسايف ؟
وش بقا لي من بعد حب توفى؟=ما على الدنيا عقب موته حسايف
كنت اخاف البعد لين البعد لفى=وبعدها : ماني من الايام خايف..
يا زمن بالهون ما سويت كفى=ماصبرت ايلين فرقت الولايف
اشهد انه بالرهن كفى ووفى=واشهد اني رحت خسران وعايف
اسحب اذيال الهزيمة ويتشفى=وذقت مر الغبن من كاس الكلايف
آه ياوقت مضا ياليت غفا=ليت ما وقته مع الايام طايف
لذة الدنيا ثواني ما تكفى=وردة هبت بها رياح عصايف
ولمعة شهاب سطع لحظة وطفا=وانطوت عني مثل طي القطايف
والاماني زرعها قوس وجفا=لافها من لايف الايام لايف
ول ياوقتك ليا اعطاك المقفى=عقب ركب الكور تنزل للسفايف
تلتفت عن بعض شانك واتخفى=وتترك حقوقك لغيرك ..وانت شايف
والسيوف اللي بها الكيل الموفى:=اصبحت عصيان ..ورماحي سنايف

وسلامتكم

**سعوط المجانين** · 25/10/07, (01:13 AM)

اتشرف بإن اكون اول من يرد على هذه الباذخه

ول ياوقتك ليا اعطاك المقفى
عقب ركب الكور تنزل للسفايف
تلتفت عن بعض شانك واتخفى
وتترك حقوقك لغيرك ..وانت شايف

مبدع مبدع مبدع الى مالاا نهايه ولااخفيك بشدة اعجابي بجميع ماتطرحه

صح لسانك ولاهنت

...

**حمد الخمعلي** · 25/10/07, (02:00 AM)

ابوخالد الفقيري

صح قلبك وسلم فكرك

تلتفت عن بعض شانك واتخفى
وتترك حقوقك لغيرك ..وانت شايف

صح لسانك

تقديري

**خلف الغريب** · 25/10/07, (01:20 PM)

اقتباس:

المشاركة الأصلية كتبت بواسطة سعوط المجانين

اتشرف بإن اكون اول من يرد على هذه الباذخه

ول ياوقتك ليا اعطاك المقفى
عقب ركب الكور تنزل للسفايف
تلتفت عن بعض شانك واتخفى
وتترك حقوقك لغيرك ..وانت شايف

مبدع مبدع مبدع الى مالاا نهايه ولااخفيك بشدة اعجابي بجميع ماتطرحه

صح لسانك ولاهنت

...

اخوي سعوط المجانين :

مرورك شرف كبير .... وروعته من روعتك وجمال مواضيعك....

طوقتني بهذا الكرم غير المستغرب منك ...

تحياتي لك ..

**خلف الغريب** · 25/10/07, (01:22 PM)

اقتباس:

المشاركة الأصلية كتبت بواسطة حمد الخمعلي

ابوخالد الفقيري

صح قلبك وسلم فكرك

تلتفت عن بعض شانك واتخفى
وتترك حقوقك لغيرك ..وانت شايف

صح لسانك

تقديري

ابن عمي الكريم حمد الخمعلي :

صح بدنك وسلم قلبك ...

كرم غير مستغرب من اهله ...

تحياتي ..

**ماجد الغانم** · 25/10/07, (07:02 PM)

الأخ العزيز

والشاعر الرائع والمتميز

أبوخالدالفقيري

صح لسانك ...ولا هنت

قصيده رائعه بإحساس جميل

لله درك ولافض فوك

دمت بكل خير

ودام هذا التميز والأبدااع

تقبل خالص تحياااتي

**خلف الغريب** · 25/10/07, (11:16 PM)

اخوي الكريم ماجد الجعفري :

صح بدنك والله لا يهينك...

شكري وتقديري لك على هذا المرور المشجع ..

كريم دائما كعادتك ...

تحياتي لشخصك الكريم...