قلبي كويته ,,,, مصافحتي الاولى

[عبدالله الحجيلان]

اخواني اعضاء هذا الصرح الجميل


مما يسعدني أن هذا النص امام انظاركم

احتراااااااااااااااااااااااااامااااااااااااااتي

ياللي تظنينـي كذا ..لاتظنيــن = قلبي عن اكثر خلق ربي كويته
انسان ايه. ومثل ماانتي تشوفين = شربت من غدر الزمان ورويته
عرفت في دنياي مالا تعـرفيـن= بنيت قصر الحب. وانهد بيتـه
وين الذي يبقى على العسرواللين = لوينوجد بعت الجميع وشريتـه
عامين. ماكن الوفا بالمزاييــن = دورت من يشري وفا مالقيتـه
الحب.. له عند الاحبه قوانيــن = واللي وفا في كل مااملك وفيتـه
تحت الحواجب مسكنه داخل العين = لو يطلب عيوني .عيوني عطيته
الحب يمكن من قبل عام الالفيـن =هذى محبة ناس جاني ..وجيته
مسحت اسمي من سجل .المحبين = قراري اللي في حياتي رضيته
انا ليا اغليت الغلا لي عنوانين = لاصد .وش الفايـده لا بكيتـه
لوغاب عني صاحبي عدة سنين = منساه دامي بالحنان احتويتـه
طبعي كذا يا(صافيه) لاتخافيـن = ان مانساني صاحبي مانسيتـه

[صالح العرجان]

لوغاب عني صاحبي عدة سنيـن منساه دامي بالحنـان احتويتـه

طبعي كذا يا(صافيـه) لاتخافيـن ان مانساني صاحبـي مانسيتـه


لا توجد مواني او شطاءن للوفاء حروف تصدح بالاخلاص والحب في زمن المعمعه

حروف تستمد عبقها من عذريتها تفوح بريح اخزمى على صفحات المنتدى

صح لسانك

سجل اعجابي ومصافحتي الاول لاول مصافحاتك

(( راعي الجبيل ))

[الزرعاوي]

قصيده جميله...................ولكن

لو انك سلمت من هالتظليل ..كان أحسن

من ألوان الصفحه لم نستطيع قراءة القصيده إلا بالغصب

تحياتي.........................

[فهد معزي]

قصيده اكثر من رائعه

الحب يمكن من قبل عام الالفيـن هذى محبة ناس جاني ..وجيتـه

مسحت اسمي من سجل .المحبين قراري اللي في حياتـي رضيتـه


وصح لسانك

ودمت

[سالم الجهبل]

الاخ / عبدالله الحجيلان



لانستغرب الابداع


سعدنا بوجودك وباْبداعك


تقبل تحياتى

[عبدالله عايد]

السلام عليكم

انا ليا اغليت الغلا لي عنوانيـن لاصـد .وش الفايـده لا بكيتـه

لوغاب عني صاحبي عدة سنين منساه دامي بالحنـان احتويتـه

طبعي كذا يا(صافيـه) لاتخافيـن ان مانساني صاحبـي مانسيتـه

صح لسانك ويعطيك الف عافيه

اطربتنا واسعددتنا يا خوي عبدالله

صح لسانك مرة ثانيه ويعطيك الف عافيه

لاهنت

[محمد المقبل]

الاخ الشاعر عبد الله الحجيلان

للابداع حضور بحضور الشاعر الكبير عبدلله الحجيلان

سعدنا بحضورك اخي الفاضل وصح لسانك قصيده اكثر من كلمة رائعة لاهنت على وضعها هنا

طبعي كذا يا(صافيـه) لاتخافيـن &&&ان مانساني صاحبـي مانسيتـه

طبعك كذا رائع مبدع بكلماتك ومفرداتك الراقيه

لك مني كل الاحترام والتقدير