&&&&&&&عام وشهر&&&&&&&&&&&& - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 22/10/07, (12:25 AM)

عام وشهر وادورك بين هالناس=وين انت حال البعد بيني وبينك
الشوق زادوشوقنا صعب ينقاس=عطنا الخبر عنك ترى مرتجينك
ماينقطع فيك الامل يقتل الياس=باليوم والليلة ترى محترينك
احساس فيني تتبعة جملة احساس=وتبقى احاسيس الامل واصلينك
تعال يلي حبنا فيك مقياس=حنا ترى بنهج الوفا تابعينك
ارو العروق اللي من الشوق يباس=وعطها الوفا بالحب ونشوة حنينك
قلبي من الفرقا كما هو بمحماس=يغلي من الاشواق كله لعينك
لك هالغلا قدرك على العين والراس=ولا عاش ناس(ن) بالغلا مرخصينك
الحب صدق وله حقيقة على ساس=ولا تحسب اننا بالهوى خادعينك
لك بالحشا ياصاحبي خوش مجلاس= تعال واجلس من زمن فاقدينك

**عدنان مرضي** · 22/10/07, (10:20 AM)

قصيدة برهان للحب الصادق

حمد الوايلي

صح لسانك ............ وسلمت

**مشاعر حالمه** · 22/10/07, (06:47 PM)

حمد الوايلي

صح الساااااانك يالقرم ولاهنت

تحيتي لك / مشاعر حالمه

**ماجد الغانم** · 22/10/07, (07:41 PM)

الأخ العزيز

والشاعر الرائع

حمد الوايلي

صح لسان ...ولاهنت

قصيده في غاية الروعه والسلاسه

لله درك ولا فض فوك ....

على هذا الأبداااع

دمت بكل خير

ودام هذا التميز والأبدااع

**حمد الوايلي** · 22/10/07, (08:35 PM)

الاخ عدنان مرضي
الاخ ماجد الجعفري
الاخت مشاعر حالمة
شكراً لكم على المرور الكريم وتعطير صفحتي بشرف مروركم وصحت ابدانكم ودمتم سالمين
تقبلو تحياتي

**سعود العواجي** · 22/10/07, (09:25 PM)

ارو العروق اللي مـن الشـوق يبـاس
وعطها الوفـا بالحـب ونشـوة حنينـك

قصيده رائعه ياحمد

صح لسانك