وشلون ما افخر دام بالقاع ويلان - °~*¤®§(§ شبـــكة ويــلان العـربـيـه §)§®¤*~ˆ°

**عبدالله العودة** · 15/10/07, (11:33 PM)

أول حضـــور .

قالوا فخر قلت الفخر عادتلي =وشلون ما افخر دام بالقاع ويلان
يهزني طرب واعاف خلي=دام العلوم اليوم من بين الاوطان
ان كانها بالعز فهم هللي=وان كانها بالساس نرجعل لـ فدعـان
يوم انها بالحرب رمحا مدلي= تلقى عجاج الخيل بالجو دخـان
عدونا نكوية نارن تصلي=وقصيرنا تلقاه بالبيت سلطـــان
عيال وايل مابنا من يملي=يوم الردي عند العذارا لهم شــان
ردينا يساوي مية مضلي= تلقى شرار العين يقدح وبطــران
ومن الكرم حدث ولاتملي=اهل الكرم والجود والصوت برهان
هذا كلامي وافهمه يالمولي=دام العلوم علوم والراس نيشان
وختامها بالقول اركع واصلي= لواحد المعبود خلاق الانسان

**سعود العواجي** · 16/10/07, (12:27 AM)

عيـال وايـل مابنـا مـن يملـي
يوم الردي عند العذارا لهـم شـان

عبدالله العوده اسم نفتخر بتواجده بيننا ..

صح لسانك

**المحامي :مشعل** · 16/10/07, (02:12 AM)

كفووووووو كفوووووووووووووو

**ماجد الغانم** · 16/10/07, (08:24 PM)

الأخ العزيز والشاعر

عبدالله العودة

صح لسانك ...ولاهنت

وبيض الله وجهك

بأنتظار أبداعاتك القادمه

**عبدالله العودة** · 16/10/07, (10:10 PM)

سعود العواجي
المحامي مشعل
ماجد الجعفري

شكرا من الاعماق على اطرائكم الجيد وهذا هي المشاركة الاولي لي بالمنتدى وستشاهدون ماهو اجمل وتحياتي لكم

عبدالله العودة

**مشاعر حالمه** · 16/10/07, (11:09 PM)

والله وستة أنعااااااااام بويلااااان

عبدالله العودة

صح السانك يالقرم ولاهنت

تحيتي لك / مشاعر حالمه

**فرحان الفدعاني** · 02/11/07, (12:23 AM)

عبدالله العوده

أرحب أرحب يابوسعــد

الله يحييك بين ربعك الويلان

وصح الله لسانك

على هذه القصيد ه الشامخه

أرق التحايااا لقلبك