قصيده رائعه لصقر النصافي... - °~*¤®§(§ شبـــكة ويــلان العـربـيـه §)§®¤*~ˆ°

**محمد الدلماني** · 31/05/05, (03:29 AM)

قصيده رائعه لصقر النصافي... رحمه الله

ياعلي خل العيـد لأم الدناديـش=اللي تنظف كل يومـن جسدهـا
تبغي تماري ناقضات العكاريش=في كل ملفـاح تنقـض جعدهـا
العيد عيد الله ولو فـات حتيـش=من حسبة ايامن يمـرك عددهـا
نبي نعلمك المساري على الجيش=تمشي ذلولك لين يفتـر جهدهـا
خابرك منت بضاري للمطارييش=نبيك تونس حلوها مـن نكدهـا
ليله على مسرى وليله مغابيـش=وليله نخلي نومها لمـن رقدهـا
وليله على تمره وليله على عيش=وليله نوكلك اللحم صيـد يدهـا
ياعلي لاجيت العرب لاتجي تيش=خبل ليا جاب السوالف سردهـا
احفظ لسانك لايجي فيه تبطيـش=تصبح عيونك كايـدات رمدهـا
يجيك من ينشدك نشـدة كديـش=يبـي يسنـع هرجـة يعتمدهـا
خله يقوم مفلت في يـده ريـش=يروح منك وحاجتـه ماوجدهـا
ترى دعابيل الخبـول الفوانيـش=تبدي بما فيها ولا احـد نشدهـا
يجيك واحـد يـورش يوريـش=سحابته يسبـق مطرهـا بردهـا
واللي لغقمات السوالف مناقيـش=قراية الكلمه علـى اول عددهـا
تجي سوالفهم ضحـك وتهبيـش=وقلوبهـم محـد يفكـك عقدهـا

وسلامتكم

**محمد المقبل** · 04/06/05, (12:03 PM)

اخي محمد الدلماني

أختيار رائع بيض الله وجهك على هذا النقل الممير

تقبل تحياتي

**محمد الدلماني** · 04/06/05, (02:20 PM)

هلا اخوي محمد وحياك الله

وشاكرك حضورك الكريم

**هندي المقبل** · 05/06/05, (03:34 PM)

وانت سالم
شكرا لك اخوي محمد الدلماني على نقل هذه الرائعه من روائع الشاعر الكبير صقر النصافي
هذه القصيده والكثير من قصائد الشاعر لها عشاق كثر ويطلبها الكثير من متذوقي الشعر يعطيك العافيه
ودمت سالما

**محمد الدلماني** · 08/06/05, (04:11 PM)

ياهلا باخوي السيف القادم وحياك الله

واشكرك على مرورك الكريم

**هزاع** · 10/06/05, (04:12 AM)

الاخ محمد الدلماني

من اروع القصائد التي قرأتها

شكرا لك على النقل

**ماجد الوايلي** · 12/06/05, (06:06 AM)

محمد الدلماني ....

يعطيك الف عافيه ولاهنت على القصيدة الرااائعه ....

اختياااار موفق .... بيض الله وجهك

دمت ودام تواصلك