|| يـا صـاحبـي ||

[طيــف]

عندما يفيق القلب من غيبوبة الحب

عندما يدرك بأن كل من حوله اختلف

و أن القريب أصبح بعيـد

بل ربما غريـب

يصرخ ..ويقسو على جراحه

ليقول

لا ما رجيتك لو غدا ليلي مخيف = المقفي ان قفّى .. حشا ما اجيله

أتركم مع هذه القصيده للرائعه الشاعره / البندري

مات الحكي وتبعثر الصدق بالزيف = حيل الله اقوى يا الليال الطويله
كلن على راسي وقف في يده سيف! = كلن يبي يقتص بايّة وسيله؟
احدن كتب له (فلم) حبكة وتأليف = وحكاية ٍ من الف ليله وليله
وأضاف لحكايَته (فصلين) تحريف = شوّه بها كل الفصول الجميله
وأسقط من القصة فصول وتعاريف = واركى على غيره حمول ٍ ثقيله
أصل الحكي كله [ معازيب مع ضيف ] = والضيف قفى والردا في شليله؟
قابل معازيبه بطيب ٍ وتشريف = وهم احتفوا به بالنقا والفضيله
واقفى يتمتم في ردي السواليف = يطعن معازيبه وحاز الرذيله
ماني باقول شلون..؟ او ليه..؟ او كيف؟ = باقول بس المستمع عزتيله !!
وإلا انت ياللي كنت لي نشوة الكيف = جيتك عليله ورحت منك عليله
بدا النهار أحباب عشق .. ومواليف = وخيّم ظلام الليل وحدي قتيله
اقبلت تضحك لي .. وخليتني معيف؟ = وصارت محبتنا شبه مستحيله؟
صحيح احبك مير كثر التكاليف = زادت .. وانا مالي على القلب حيله
لا ما رجيتك لو غدا ليلي مخيف = المقفي ان قفّى .. حشا ما اجيله
ليل الشتا من صدمتي انقلب صيف = والحظ مال وزاد بالقلب ميله
لانته بكامل في جميع التواصيف = حتى تولع لي براس الفتيله؟؟
مع انه البارح لفا خاطري (طيف) = زولك تهيّا .. في دقايق قليله
ولنّي ماحب اكون في موقف ضعيف = صديت عن طيفك وصرت البخيله
لك مني ارحل وانت خل الملاقيف = يحكون لك عن كل ميله وعيله!
وان جيت يمّك/لك ذل وتحاسيف = نذر ٍ علي لاقص كل الجديله

[سندريلا]

صح لسان الشاعره البندري


ويسلم لنا اختيارج وذوقج ياطيــــــــــــــف

[شمــــــــوخ]

طيـــــــــــف


كلتس ذووووق انتي وأختيارتس

وصح لسان الشاعرهــ البندري ..

::

ذوق طيوفه

لاهنتـــــــــي

[شيهانه]

طيف


تسلمين على هالاختيار الطيب

وهذا ان دل دل على ذوووقك الحلووو



صح لساان الشااعره

وبصرراحه قصيده خطيره

وخاصه ان (طيف) بالقصيده


دمتي بووووود

[طيــف]

مشرفتنا الجميله / سندريلا

أسعدني مرورك

وتجمّل متصفحي بحضورك

الله لايحرمني هالطله

دمت بود/

[مصلح النشمي]

.


قسم بالله من اروع ماقرأت

يعطيك العافيه اختي طيف

اختيار مميز



سبق وان قرأت للبندري


خليط من الحزن والاهات وروعة الابيات اغلب ماكتبته على هذا النهج
ما أبي مـن قـاري أبياتـي هنـا
...................غير تركيزه ,, ويحرص عـالهدو
جيت كلي باشرح ظـروف العنـا
.......................افهمـوا ,, ثـم بعدهـا لاتنقـدوا
ولاقريتوا مطلـع جنونـي (أنـا)
........................ادعـوا ان الهـم يرحـل للعـدو


"


اقرؤ البيت التالي

ما أقسى على القلب الوفي غير انه
............................ يشوف قلب اللي يحبه.. يخونه




وهنا من اروع ما قرأت

كانك على قولك ووصف الناس لك انك (ذكـي)
.....................................وتلعب على الحبلين . وبوجهين.. صبحك والمسا

تعال افكك لـك رمـوزٍ صغتهـا لـك بالحكـي
..............................................وينه ذكائك مـا يحـل المسألـة ولا نسـا...؟

ترا الجفا / وبعض الدلع / حتى دموعي / والبكي
...........................................كله عشان اعلمك عـن (الدهـا) بكيـد النسـا


ومن اروع ماقرأت لها ايضا

الظروف لـ سود الايام تتحلوا = تشتهي في كل لحظة تمتحني
تنتقي من بين هالغالين نقوى= من حبيب أو أخ أو (طفل ) احتضني!!
وتتفاوت بين جرح وبين بلوى = أو مرض ولا حبيبٍ لي طعني
لين صارت لي دموع العين سلوى=وصرت أراعي هالدموع اللي رعني
وان نشدتوني ضلوعي ويش تحوى=باسرد المكنون في حرص وتأني
صح انا مو أم .. لكن آتشهوى=طفلٍ أعطيه العواطف بالتبني
فطرة الله خصّها في بنت حوى = (الامومة) حلم الاثنى والتمني
وقدّر الله في حياتي طفل يسوى = بالغلا روحي وغيره ما شحني
وصار حبه يرتفع بي ويتعلوى= وانشدوا قلبه عن احساسي وعني؟
لين شفته شوف عينَيْ يتلوى=وارجي آمال الشفا.. مير سفهني!
صرت اشوفه والمرض سوى وسوى=لولا ايماني بربي.. كنت اجني!
وبسبب ضيقه رفعت ألفين شكوى =وشلت لي موال حزنٍ فيه اغني
من سمعني قال طربانة وتهوى = ومن نشدني أبسم له (يعنني) !!
ولا انا من كف الأيام أتقهوى=من فناجيل الألم ياما روني
أجرع الامرار لين النفس تروى=وأشرب دلال القهر ظلم وتجني
اذكر اني في حياتي ما اتهقوى=هقوةٍ وتزين لي ويزين ظني!
أطرق أبواب الأمل من دون جدوى=و(الأمل) يصبح (ألم) فيني ومني
ويش أسوي دام بي جرح يتطوى = جا يدوّر له سكن فيني.. كأني..
صرت للحرمان ملجا.. بيت .. مأوى =وصرت اهلّي بالجروح اللي لفني
بالطواريق أتوسل واتعزوى= القوافي حيلتي والهم فني!
اختلافي والفرح يكبر ويقوى=كاختلاف المذهب الشيعي بـ سني
صاحبي.. ركز معي ياطير شلوى=كان تسمع شورتي (ابعد) لأني..
من كثر طعم الحزن أشعر بنشوى=واشعر ان الهم بالقلب متهني!
يمكن ان الهم فيني فيه (عدوى)=تنتقل لك من عذابٍ بي سكني!!
يعني افهم .. ما ابي لك زود عنوى= واترك دروبٍ بها جمرٍ يكني
ياهمومي.. كن حالي صار أشوى؟=وينك ابطيتي .. عليك القلب حني!!

ياهمومي.. كن حالي صار أشوى؟=وينك ابطيتي .. عليك القلب حني!!

لله درها شاعره بكل ماتعنيه الكلمة

شكرا مرة اخرى اختي طيف

[طيــف]

القديره / شموخ

من ذوقج خيتووو والا جان ماعجبتج

شاكره مرورج الكريـم

دمت/