الشعر يغني عن كفوري الى صاح

[صالح الجطيلي]

السلام عليكم ورحمة الله وبركاته

قصيده ألقيتها في احدى المناسبات وتم نقلها في قناة فواصل الفضائيه

قرب يابو محمد ترى هيلنا فاح = وتاخذ علومي جلها مع مرادي
تعال قرب لي قبل فلق الاصباح=يطلع علينا ويصبح العلم غادي
ياذياب فنجال الهوى سم ذباح=ومبهرن ضيقه بهرج الدوادي
ماهي علوم إمقلط الضيف نطاح=تفرق عن علوم المراجل وكادي
ونا حبيت اسوي شوية اصلاح =اترك قناة الذل درب الفسادي
الشعر يغني عن كفوري الى صاح=واتبع طريق اجدودنا والرشادي
وماكحل عيوني مع اللبس لاطاح=اكحله با اللي لهن التوادي
ويطربني السامر له البال ينساح=ياشاعر آل سعود طير الهدادي
قوافي السامر لها السمع يرتاح=تزهى الشكاله ياكريم الايادي
وأصاحب رجال على العايل سلاح=مابيعو هقواتنا با المزادي
اعيال وايل لا أسهمت تشر ارباح=عوق الحريب اهل الحلوم البعادي
ربعي هل اللقوات لاصاح صياح=صموت الرجال محققين المرادي

(( صــالح عبدالله الجطيلي ))

[تركي صالح]

صالح الجطيلي

صح لسانك وسلم بنانك

على هذه الرائعه

قصيده تحوي من المعاني والكلمات الجميله

واللتي يطرب لها القاريء

دمت وسلمت ودام صفاء طرحك الراقي

وتقبل فائق التقدير والاحترام

[نجلاء محمد]

شاعرنا القدير \\ صالح الجطيلي

صح السانك ولا هنت

ابيات رائعه من شاعر متمكن

تحياتي اليك

[فيصل بن قنه]

اعيال وايل لا أسهمت تشر ارباح
عوق الحريب اهل الحلوم البعادي
ربعي هل اللقوات لاصاح صيـاح
صموت الرجال محققين المـرادي


صالح

انت مبدع بدرجة امتياز تحبك المعنى فتنسج به اجمل اللوحات


لله درك من شاعر ولله درك من قصيده رائعه جدا


تحياتي وصح لسانك يابو عبدالله

[فايز البذيلي]

الشاعر الجميـــــــــل


صالح الجطيــــــلي



صح اللـــــــه لسانكـ

واعتلى شانكـ


قصيدة تستحق الوقوف والتصفيق



كل الود لكـ

[عبدالله عايد]

صالح الجطيلي

صح لسانك مدد لا عدد

قصيدة رائعة كما عودتنا دائما

واتت بموضوع مغاير وشامخ ايضا

لا املك الا ان اقول صح لسانك

وتقبل تحياتي ومروري

[ماجد الغانم]

الأخ العزيز


والشاعر الرائع


صالح الجطيلي



صح لسانك ...ولاهنت على هالقصيده المتميزه والرائعه بحق


لله درك على هذا الأبداااع والتميز

دمت بكل خير

ودام هذا التميز والأبداااااااع

تقبل خالص تحيااااااتي