يا يــــــام يا ويــــلان يا يــــــــــــــام ويــــــــــــــــــــــــلان - °~*¤®§(§ شبـــكة ويــلان العـربـيـه §)§®¤*~ˆ°

**فيصل بن قنه** · 15/09/07, (01:42 AM)

قصيده تعبر نفسها لويلان جميعا اهداء مني ورد على ترحيب الاخوه لاعزاء الذين اخجلوني بترحيبهم في ملتقى التواصل واعذروني افعالكم وذكركم ابلغ من الكلام

في ذمتي يامشاركتنا بويلان = انها شرف لو هي سطور قلايل
لان الطمع في روس ذربين الايمان= رجال وايل والقبايل قبايل
اقولها للي لهم عندنا شان =واللي لهم قلبي من الشوق سايل
المعرفة تاج الفخر طول الازمان = تبقا ونبقا غصب والشك زايل
واناهنابقولها وازهم العان= وانسج غمام الفكر نسج الخمايل
في ذمتي كني من الفخر سكران = وطويق لو ميل فلاني بمايل
ودي اقول ابيات وابيات واوزان = واجدد المعنى بشتى الوسايل
ويلان يا ويلان ويلان ويلان = انا اشهد انكم يالسلايل سلايل
اصغر صبي فيكم كما طير حوران = وكبيركم يسوى بذكره قبايل
بلا قصور في القبايل وحقران = لكن يطول العز من كان طايل
وانا نسل يام العريبه وهمدان = لاثار بارود الوغى والفتايل
اقولها من حد ربعي بنجران =الليا ورى وابعد من حدود حايل
يا يام يا ويلان يا يام ويلان = سيفين للعليا وعز وصمايل

**سندريلا** · 15/09/07, (02:52 AM)

فيصل بن قنه

صح لسانك وبيض الله وجهك ونعم فيك وبيام العريقه

لله درك ولنا دررك

**نجلاء محمد** · 15/09/07, (05:17 AM)

فيصل بن قنه

صح السانك مليووون ولا يكفووون

تحياتي وتقديري

**ماجد الغانم** · 15/09/07, (07:47 AM)

الأخ العزيز

والشاعر الرائع

فيصل بن قنه اليامي

صح لسانك ............ولاهنت

وبيض الله وجهك

صدقني أخي فيصل تقف الكلمات حائره للأشاده بهذه القصيده الجزله

لأن الجزاله ليست غريبه عليك أبداً

ونعم بك وبقبيلتك يام ...

وجميع الويلان يفخرون بتواجدك معهم

وحيااااك الله بينهم أخ عزيز

دمت بكل خير

وأدام الله هذه المعزه بيننا

تقبل خااالص تحياتي لشخصك الكريم

تثبت

**عبدالله الثابت** · 15/09/07, (10:03 AM)

الشاعر المتميز

فيصل بن قنه

صح لسانك وبيض الله وجهك

وقصيده شامخه من رجل شامخ

وشهادتي فيك تعرفها من زمان يابن قنه

انت من الشعراء الذي فعلا استمتع بشعره واجد كل الابداع والجزاله في معانيه

يا يام يا ويلان يـا يـام ويـلان

*******سيفيـن للعليـا وعـز وصمايـل

فعلا على ماقلت

وتقبل تحياتي

**حـمد بن فتان** · 15/09/07, (11:39 PM)

الاخ فيصل بن قنه الله يمسيك بالخير بالغالي
والله يحييك
في هذا الصرح الرائع باسمه وباعضائه
ولي شرف ان احد ابناء عمي يكون ضيف معي في هذه الدار العامره باخلاق اهلها وهذا الهرم الذي لا يرقاه الا كل محب للعليا واهلها ويلاااااااااااان

**فيصل بن قنه** · 16/09/07, (01:10 AM)

سندريلا

ووجهك ابيض وماعليك زود وصح بدنك

ولاهنتي على مرورك الاكثر من جميل

تحياتي