ابيات نذكرها لهـا صـرح وابطـال

[عبدالله مرضي]

سلام. ياهل السلام اضع هذه المتواضعه بين ايديكم

الشعر في خافقي محيطـات وجبـال==نبعن تفجر من احاسيـس وشعـور
قرايحه فاضت على الوجـه باكمـال==وياما علـى ردالجمـالات لـه دور
اسبح معه واعمل من الحرف مـوال==قبطان في بحـره وبالـوزن دكتـور
ولامن زهمت الحرف لابا على الحـال==وفي جيته كنه على القـاف محكـور
صممتها بامري من الجـد والخـال==فطره وخلتنـي علـى الشعرهامـور
شطي عريض الموج بالسيف لامـال==من ينطحه يصبح على النضم معسور
خضتـه صغيرالسـن والعمـرلازال==علكن علكته يمضغ الحـس بشعـور
والخوف لامن شفـت بالشعراهمـال==شياً على سج الـورق قيـل منثـور
من قاله بيـت قيـل فـلان وشقـال==خلوه شاعر مبدع الحـرف مسـرور
وقتن يجامل خيبـت الحـظ باهبـال==ويالعنبو حظاً على الشعـر مكسـور
الجزل خلد من علـى مـر الاجيـال==يبقا حكم منضومهـا كـل دستـور
ابيات نذكرها لهـا صـرح وابطـال==راحو اهلها واصبحت شـي مذكـور
حتى العذارا منهـن الشعـر ينقـال==غاصن على كل القوافـي والبحـور
واليوم غير امس والوضـع لوطـال==يبقا على كسب الضعيفـات مقهـور
فيهن سفاله داسن العـرض بالمـال==قامن على خدش الحياء وسط جمهور

[ماجد الغانم]

الأخ العزيز

والشاعر

عبدالله المرشد



صح لسان ..........ولاهنت






الشعر في خافقي محيطـات وجبـال
=نبعن تفجر من احاسيس وشعـور
قرايحه فاضت على الوجـه باكمـال
=وياما على ردالجمـالات لـه دور
اسبح معه واعمل من الحرف مـوال
=قبطان في بحره وبالـوزن دكتـور


شكرأ ياعبدالله على هذ ه القصيده التى أتحفتنا بها



دمت بكل خير

ودام هذا التميز

[القايد]

عبدالله المرشد

جميل هذا البيت الله يعطيك العافيه
ابيات نذكرها لهـا صـرح وابطـال==راحو اهلها واصبحت شـي مذكـور

تحياتي

[تركي صالح]

ابيات نذكرها لهـا صـرح وابطـال
----------------------------راحو اهلها واصبحت شـي مذكـور

بيت رائع فعلاً

صح لسانك وسلم بنانك

ودمت بكل خيراً وعافيه

وتقبل فائق التقدير والاحترام

[مشاعر حالمه]

عبدالله المرشد

صح السانك يالقرم ولاهنت

تحيتي لك / مشاعرحالمه

[سلمان الردسا]

صح لسانك اخي العزيز عبدالله المرشد


سجل اعجابي وتقديري وتقبل مروري

[دلال العنزي]

قصيده جميله جدا صح لسانك