نـاحـل الـخـصـري ..!! - °~*¤®§(§ شبـــكة ويــلان العـربـيـه §)§®¤*~ˆ°

**بندر البجيدي** · 25/08/07, (04:22 AM)

السلام عليكم ورحمة الله وبركاته

إليكم الأبيات

مريت صدفه وبالي دالـهٍ مسـرور=على بيوت الحبيّب ناحل الخصـري
أثر الغلا بالمحاني مستحيلِ يبـور=اللي يبور الوليفه لاعلنت حصـري
على التواصل معاها والجفى والزور=وعلى المواعيد عقب قهْوة العصري
يامنعشة قلبي كِفى لايجيني الجـور=ياعل يفداك ابلاد الشامي والمصري
تدرين إني على مواصلْك أنا مجبور=لكن أشوفك كـذا بالـود تقتصـري
متى على الله أجيلك والبخت مبهور=وتقولي أرحب هلابك نوّر القصري
هذي أماني ولكـن مالفاهـا النـور=أصبح بها الحب أعمى فاقد البصري
ليش التبادل معاكم دايـمٍ محظـور=أبي خُلاصة غرام الكذب واختصري
قالت أنا كذا طبعي أكشف المستـور=واقفت تضحّك وترفع راية النصري
وقعدت أواسي واقول لقلبي المكسور=البيض قبلك عذّبن محسن وبصري

بندر نغيمش البجيدي

**سلمان الردسا** · 25/08/07, (08:49 AM)

الاخ القدير بندر البجيدي

صح لسانك

سجل اعجابي وتقديري

اخوك سلمان الردسا 0000000000000000

**صالح العرجان** · 25/08/07, (09:03 AM)

حضور اول

ولي عوده لهذا الجمال الشعري ؟!

اخوك صالح العرجان

**صالح العرجان** · 25/08/07, (10:31 AM)

أثر الغلا بالمحاني مستحيـلِ يبـور
اللي يبور الوليفه لاعلنت حصـري

بندر البجيدي

مساحه من الشعر خضراء غناء باحساس قلما يجيده البعض

مايبور القصيد اللي انت راعيه ؟!

صح لسانك وقلبك ،، وحسبي الله على ناحل الخصري

اخوك صالح العرجان

<<<<<<<< حفظ الاسم ومتابع له ؟!

**بندر البجيدي** · 26/08/07, (12:00 AM)

سلمان الردسا

اشكرك اخوي على مرورك الطيب

ولاهنت ...

تقبل تحياتي

**بندر البجيدي** · 26/08/07, (06:41 AM)

الاخ الشاعر // صالح العرجان

حقيقة تعبيرك غمرني

ويسعدني جدا اطلالتك على متصفحي دائما

واشكرك على الحفظ والمتابعه

تقبل تحياتي

**ماجد الغانم** · 26/08/07, (07:20 PM)

الأخ العزيز

والشاعر المبدع

بندر البجيدي

صح لسانك ....ولاهنت

قصيدة رائعه وأحساس جميل

لله درك ......ولافض فوك

دمت بكل خير

ودام هذا الحضور المتميز