رائعة من روائع المشعان - °~*¤®§(§ شبـــكة ويــلان العـربـيـه §)§®¤*~ˆ°

**عبدالله الفهد** · 10/07/07, (08:44 PM)

قصيدة رائعة بمعاني اروع وابداع ليس غريب على خلف المشعان.........

(عرفة وجيه)

ياكثرهم .. لا قلت لك .. عرفة وجيه
وياقلهم .. لا قلت .. قـدر ومعـزه

رجلٍ .. تعزه بعد ماتلتقـي .. فيـه
ورجلٍ .. قبل ماتلتقي بـه .. تعـزه

ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه

.. ورجلٍ يموت ولا يجيبون طاريـه
ورجل ٍ .. يجي طاريه في كل حزه

ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه

ورجلٍ .. ضعيف .. ويستفزه معاديه
ورجلٍ .. كلام اعـداه .. مايستفـزه

ورجلٍ .. تلزه يعترف لك بخافيه
ورجلٍ .. على خافيه .. محدٍ يلـزه

ورجلٍ .. يوزونه .. ويزعل بنيخيـه
ورجلٍ .. يزعّل من يحاول ، يـوزه

ورجلٍ .. تكزه لا زم انك توصيه
ورجلٍ .. بليّا ما توصيـه .. كـزه

من لا فرش .. للمرجله ماتغطيه
ومن لايخز .. الناس .. محدٍ يخـزه

ان كنت تعرفني فهي .. عرفة وجيه
مو شرط لك بالقلب قدر .. ومعـزه

للشاعر // خلف المشعان العنزي

**سعوط المجانين** · 11/07/07, (07:59 AM)

ورجلٍ .. ترزه بالمجالـس مباديـه
ورجلٍ .. فلوسه بالمجالـس تـرزه

الله عليك يابو موسى

ورجلٍ .. تكزه لا زم انك توصيه
ورجلٍ .. بليّا ما توصيـه .. كـزه

انا اشهد

عبدالله الفهد حقيقه لامجامله لاتأتي بسوى الجزل والراقي وفي انتظار ماهو قادم بشوق كبير

تقبل فائق الاحترام والتقدير

...

**عبدالله الفهد** · 11/07/07, (09:16 AM)

سعوط المجانين شكرا لمرورك

**ياسر الجعفري** · 11/07/07, (07:20 PM)

ورجلٍ يموت ولا يجيبون طاريـه
ورجل ٍ .. يجي طاريه في كل حزه

ورجلٍ يهزه .. بعض موقف ويشقيه
ورجلٍ .. مهوب أيّات موقف يهـزه

مشكور ماقصرت
على النقل المميز
الاخ عبدالله الفهد ماقصرت

**عبدالله الفهد** · 14/07/07, (04:03 PM)

ياسر الجعفري

لك كل الود مشكور على المرور

**عويد القعقاع** · 15/07/07, (01:26 AM)

صح السان الناقل والمنقول له

اتنى الموفقيه

**عبدالله الفهد** · 16/07/07, (12:26 AM)

عويد القعقاع

صح بدنك

لك كل الود