نخوة عتيبه ورثهم جد عن جد - °~*¤®§(§ شبـــكة ويــلان العـربـيـه §)§®¤*~ˆ°

**مزيد المزيد** · 04/07/07, (01:01 PM)

قصيده قديمه القيتها في احد محافل قبيلة عنزه بمناسبة زيارة بعض رجال قبيلة عتيبه

وعلى راسهم ابن خربوش ....واضعها هنا من باب التواصل

هالليل هذا غير .. تعليلته ود=بدّل ظلامه نور والعز مدهال
ليل" طغت به فرحة" مالها حد=تلمس بعيد الغيم وتعانق جبال
زان القصيد وحضر حروفه الشرد=واسرجت خيلي للمعاني والامثال
ويالشعر ماهي سالفة هاتها ود=يازينها من الراس للراس تنقال
يامرحبا ترحيبة" مالها عد=تمشي على العتبان رجال .. رجال
ترحيبة" تفرح لياشافت الورد=ويشوش عند المرجله طيب الفال
واخص ابن خربوش بالطيب والمد=زبن الضعيف ان جاه يشكي له الحال
يعطي صخا مافكر بعيشة الغد=شهم" كريم وكل مداته جزال
من لابة" تاريخها لانجرد جرد=مفروض يحفظ للمناهج والاجيال
نخوة عتيبه للملا ماتبي سرد=امرا" مؤكد والخبر مابه جدال
نخوة عتيبه ورثهم جد عن جد=مبطي لهم في صفحة المجد تمثال
اصغرهم اللي لابدت لازمه سد=قبل الكلام تشوف في عينه افعال
ولامن نخيته جاك كله ولا صد=مازين اعذاره لك الوان واشكال
والطيبه بين الرجاجيل تنعد=ورد الثنا واجب على كل الاحوال
قلته وربعي لاقسى الوقت واشتد=هم الذرا عن جور وقتي والاهوال
ويلان عز اللي من الخوف محتد=خويهم مايشتكي ضيقة البال
وعن الجماعه يكفي القول من فرد=وانا عن الويلان رحبت بـ قبال
عصم الشوارب .. خطل الايدي .. هل الجد=اثقال بالهرجه وبالسكته ثقال
ترحيبة" في سلمنا مالها ضد=من قلب صادق شالها الصوت موال
يامرحبا ترحيبة" مالها عد=تمشي على العتبان رجال .. رجال

**ماجد الغانم** · 04/07/07, (01:53 PM)

الأخ االعزيز والغالي

والشاعر المتميز دائماً

مزيد المزيد

صح لسانك......ولاهنت

قصيدة جزلة بالفعل من راس جزل

بيض الله وجهك

وقبيلة عتيبة والنعم فيها قبيلة عريقة تستحق المدح

لله درك يامزيد دائماً متميز وجزل ..........

سلم بوحك وفكرك ...............

دمت بكل خير

ودام هذا التميز والأبداع

**سالم صالح** · 04/07/07, (05:31 PM)

مزيد المزيد ----------- كما عهدناك رائع مبدع ومهندس للكلمات

الله يعطيك العافيه على هذه الرائعة من شخصك الوفي الى رجال لهم بالنخوة ساس الاوهم عتيبة والنعم فيهم مليار

**خلف فلاح الحمرون** · 04/07/07, (07:16 PM)

الشاعر مزيد المزيد
صح لسانك ملايين
الجزاله والكلمات الطيبه ليس غريبه على مزيد
الله لايهينك
وتقبل ازكى تحياتي

**مزيد المزيد** · 06/07/07, (04:57 PM)

ماجد الجعفري

هلابك مليون ولاهنت على حضورك

صح بدنك ولاهنت وعتيبه تستاهل كل خير

دمت بود

**مزيد المزيد** · 06/07/07, (05:01 PM)

سالم صالح

هلابك ياغالي والف شكر على حضورك

وقبيلة عتيبه يشهد لها تاريخها العريق قبل القصيد

دمت بخير

**مزيد المزيد** · 06/07/07, (05:02 PM)

خلف فلاح

هلابك مليون والف شكر على حضورك

صح بدنك ولاهنت والذوق مرورك الكريم

دمت بخير