(( البـــــدو شــــدو ))

[سلمان الردسا]

ارجوايها الاخوه الكرام عذرا على التقصير والتأخير



ان تحوز هذه المتواضعه على رضاكم

قلبي كما ذود تتله مقاهير=لا استعجلت بالسير خفف هذبها
ولا كما وضحا تقود المغاتير=لادوه الراعي بصوته ندبها
يلوج من بين الضلوع المفاتير=والنارتقدح به شراير لهبها
نوب يبي يكفخ مثل كفخة الطير=مشتاق لديارسكنها عربها
متى الفرج ييتى وانا مرتجي خير=يالله تعجل بالفرج من كربها
ربي عليم وقادر بالتباشير=ويعوض لنفسي جراير تعبها
ياحيلة الله يالجفون المفاتير =كم ليلة والدمع مرخي هدبها
يصلا الضماير والحشا نار وكير= لين استوت من وقتها اللي غلبها
الله على بيت الشعر والمسايير=والنار بالمجلس توقد حطبها
حزة ربيع العشب غادي نواوير=يويمي بها الغربي اليامن جذبها
ومن الفجر يقعدك صوت المصاغير=احد سرح واحد شبكها وحلبها
وصوت النجر وادلال بن مباهير=بيدين قرم يصطفق لاقضبها
وعلوم النشاما بين ورد وتصدير=لو القلم يلحق عليها كتبها
الله يادنيا العنا والمخاسير=وش فايده روحي توصف عتبها
ادري دروبي كل ابوها معاسير=امشي بها ولي خاطر ما رغبها
اليدو شدو واخلفني المظاهير=وروح بقت للحزن ربي وهبها

[عبدالله عشوي]

	لاهنت لاهنت لاهنت اخوي سلمان الردسا حقيقه مبداع ولا كما وضحـا تقـود المغاتيـر لادوه الراعـي بصوتـه ندبـهـا يلوج من بين الضلـوع المفاتير والنارتقـدح بـه شرايـر لهبهـا ــ ــ ــ ــ وتقبل فائق تحياتي

[عبدالله عايد]

سلمان الردسا

عودا ً حميدا ً ان شاء الله

هذه القصيدة تنسينا عتب غيابك

صح لسانك مدد بلا عدد

قصيدة راائعة شامخة بأمنياتها

وكم هو جميل العودة الى ذلك الوقت البرئ

لك كل الود وتقبل فائق تحياتي لجنابك .

[نايف الفدعاني]

المشاركة الأصلية كتبت بواسطة سلمان الردسا

ارجوايها الاخوه الكرام عذرا على التقصير والتأخير



ان تحوز هذه المتواضعه على رضاكم

ومن الفجر يقعدك صوت المصاغير=احد سرح واحد شبكها وحلبها
وصوت النجر وادلال بن مباهير=بيدين قرم يصطفق لاقضبها
وعلوم النشاما بين ورد وتصدير=لو القلم يلحق عليها كتبها
الله يادنيا العنا والمخاسير=وش فايده روحي توصف عتبها
ادري دروبي كل ابوها معاسير=امشي بها ولي خاطر ما رغبها
اليدو شدو واخلفني المظاهير=وروح بقت للحزن ربي وهبها

اخوي سلمان صح الله لسانك


تقبل تحياتي


قصيده جزله

تستاهل الوقوف

والتمعين بمعانيها واطلاق الخيال


تقبل تحياتي


اخوك

نايف الفدعاني

[سلطان المسلط]

الله عليك ياسليمان


قصيده يطرب لها البال


فيها من النمط القديم ما يميزها

صح لسانك ودام نبض قلبك


مودتي



سلطان المسلط

[بدر الحنيف]

ابو نايف الردسا ،،



انت من أنقى من عرفت في حياتي ..


واشرقت هنا .. ببوح .. يمتد من أصالة الماضي..


وايام .. يفوح عبقها .. كي لا ينسى كل من خاض ..



أو مر بهذه الأجواء الالمذهله .. بروعتها ..



صح كلك أيها النقي.. مدد لا عدد ..


تقديري لك ،،

[سلطان السويلم]

سلمان الردسا


يا الله حيه

وكيف الحال ووين الغيبات


صح لساااانك على هذه الرائعه


ولا تحرمنا شوفك واتصالك


تحياتي