الطريق اللي مشيته !!

[عبدالله عايد]

السلام عليكم

اسعد الله جميع اوقاتكم

أحمد غزاك اللي غزاني .. قبل عام = ياويل قلبك .. من طريق ٍ مشيته
أبشر بهم وغم وضنون ووهام = سواد ليل ٍ لا طواك وسريته
والموت يا أحمد بتاليه قدام = إذا انهدم بالوقت جسر ٍ بنيته
لا شافت عيونك شعرات واعلام = ثم انكتب فرقاك غصب .. وقريته
واقفت ركايب غازيك عنك بشمام = تعلن نهاية فصل عشت وحييته
ثم بلت دموعك طواريف الاكمام = يعني بكيته ؟!... اييييه يعني بكيته
وأسترجع التفكير شرطان الافلام = لحظة فراقه .. لين لحظة لقيته
وتطاريت احلام واحلام واحلام = والدرب توه منتصف ما قضيته
هذيك ساعة تشبه لحكم الاعدام = يبين فيها كل علم ٍ خفيته
تتوه فيها بين ظايم ومنظام = اصلا ً ولا تدري وفيت .. او بليته
إذا تركته ينكسر عرف واحكام = وإذا تليته !!.. كايده لا تليته
ثم انقلب عيشك متاهات وآلام = واخذت فرحك في يديك وطويته
وش عاد لو تبكي معك روس الاقلام = وش عاد لو شعرك فزع لا نخيته
أحمد ما جاك اليوم شفته قبل عام = يا ويل قلبك من طريق ٍ مشيته

[صالح العرجان]

حجز اوووووووووووول

على متن الابداع

لي

عوده

[صالح العرجان]

الركيزه الاولى//

والموت يـا أحمـد بتاليـه قـدام
إذا انهدم بالوقـت جسـر ٍ بنيتـه
/
\

الركيزه الثانيه//

ثم بلت دموعك طواريـف الاكمـام
يعني بكيته ؟!... اييييه يعني بكيته
/
\

الركيزه الثالثه//

وش عاد لو تبكي معك روس الاقلام
وش عاد لو شعرك فزع لا نخيتـه



هنا ثبتت القصيده في قلب صالح العرجان

روعه في تناول هذه الحاله من المعانه باسلوب يتسم بالاصاله والاسناد على الغير


هنا فقط عرفت بان صديقك الصدووووووق

هو

احمد


صح لسانك

[عبدالله مرضي]

صح لسانك عبدالله

والله يبيض وجهك على القصيده الرائعه

[مزيد المزيد]

عبدالله


رائعه بقلم راقي وشاعر عذب

صح لساااااانك ولاهنت ولا تحرمنا من كل جديد


دمت بخير

[نجلاء محمد]

تلك الكلمات التي لها ايقاعات فريده

تهز المشاعر وتحرك الاحاسيس كما تريد


تلك الاقلام التي ترسم اجمل اللوحات .. وتدون ارق العبارات

تلك هي حروف الحب

حروف تصل الى القلب باسرع طريقه

لاتحتاج الى طرق مواصلات او وسائط

الحب دائما مايكون ابسط المشاعر واصعبها

ارق المشاعر .. واثقلها..

دائما مانبكي فقط من اجل الحب


يا نازفاً...

ما اعذب كلمات من الوريد تنهمر

من القلب اسكبتها وانتقيتها

اخي العزيز// عبد الله عايد

صح السانك واعتلى شانك

تقبل خالص تحياتي

[الجوهره....]

عبدالله عايـــد
رائع ومبدع وجميل

واقفت ركايب غازيك عنك بشمـام
تعلن نهاية فصل عشـت وحييتـه
ثم بلت دموعك طواريـف الاكمـام
يعني بكيته ؟!... اييييه يعني بكيته
وأسترجع التفكير شرطـان الافـلام
لحظة فراقه .. لين لحظـة لقيتـه
وتطاريت احـلام واحـلام واحـلام
والدرب توه منتصف مـا قضيتـه
هذيك ساعة تشبه لحكـم الاعـدام
يبيـن فيهـا كـل علـم ٍ خفيتـه
تتوه فيهـا بيـن ظايـم ومنظـام
اصلا ً ولا تدري وفيت .. او بليته
إذا تركته ينكسـر عـرف واحكـام
وإذا تليتـه !!.. كايـده لا تليتـه


قمة الاحساس والدقة في التصوير
صح لسانك على هالاحساس..


سلااااااااااامي..

الجوهــــــــره..