نـــوره

[مشعل الضوي]

قصيدة متواضعة أضعها بين ايديكم ورجائي أن تنال بعض من رضاكم...........

نــــوره

الليـل أرخـى سـدوله و ابـتـدا دوره=والشمـس غابـت ونـوره جات ما غـابـت
جـيتـي على الموعـد اللـي طـول حضوره=وجيـتك وانـا هقـوتي في جيتـك صابـت
جـيتـي مع الليـل مـختالـه ومغـروره=ونسايـم الليـل مع صمـت المـسا جابـت
جابـت دفا همـسك اللـي فاحـت عطـوره=و اللهفـة اللي بـوصول إطلالتـك ذابـت
أهليـن يا بهجـة الخفـاق وسـروره=أهليـن يـا اعظـم غـلا في داخلـي ثابـت
مشتاق لك شوق ما اقدر أوصف شعـوره= ومشاعـري من حنيـن غيابـك إنسابـت
عـجـزت لا أستـسيـغ فـراقـك وجـوره= و نفسـي عـن اسـم الرحيـل وغيبتي تابـت
روحي...اقطفـي مـن قصيدي أجمل زهـوره=من شاعـر مـا يقـول القـافـيـة شـابـت
أنتـي قصيـدة غـزل بالحـب مغمـوره=آسـف..أنا أخطيـت... نفسـي بهـذي ارتابـت
أنتي لو انك قصيدة شعـر يا نـوره=إن كان شاورت بـك عبـدالله الثـابـت
لكنـك أغلـى من الشعـر ومن سطـوره=وأهـم من روحـي اللـي فيـك ما هابـت
وأقرب من الشاعـر الضــوي لجمهـوره=وأصـدق من الهقـوة اللـي فيـه مـاخابـت
مدري وش اقول .....لكن أنتي اسطـوره=مشاعـري فـي إجـادة وصفـها عابـت
تدرين؟من جيتـي الى الحيـن يا نـوره=الشمـس و الله مـا احسـب انهـا غـابت!!!!

مــشـعل الـضـوي

[الجوهره....]

لكنـك أغلـى مــن الشـعـر ومــن سـطـوره
وأهـم مـن روحـي اللـي فـيـك مــا هـابـت
وأقـرب مـن الشاعـر الـضـوي لجمـهـوره
وأصـدق مـن الهقـوة الـلـي فـيـه ماخـابـت
مدري وش اقول .....لكن أنتـي اسطـوره
مشـاعـري فــي إجـــادة وصـفـهـا عـابــت
تدرين؟مـن جيتـي الـى الحـيـن يــا نــوره
الشمـس و الله مـا احسـب انهـا غابـت!!!!


مشعل غريب ا لضوي..
جميل ان اكون اول متصفح لرائعتك
مشاعر رائعه واحساس مرهف
الابداع هنا يعلن حضوره
تقبل خالص التحايا...

..الجوهـــــــــــــــره...

[عبدالله عايد]

عـجــزت لا أستـسـيـغ فـراقــك وجــــوره
و نفسـي عـن اسـم الرحيـل وغيبتـي تـابـت
روحي...اقطفي من قصيدي أجمل زهوره
مــن شـاعـر مـــا يـقــول القـافـيـة شـابــت
أنـتـي قصـيـدة غـــزل بـالـحـب مـغـمـوره
آسف..أنا أخطيت... نفسي بهـذي ارتابـت
أنـتـي لــو انــك قصـيـدة شـعـر يــا نـــوره
إن كــان شــاورت بـــك عـبــدالله الـثـابـت


الشاعر المبدع الراائع مشعل الضوي

اتيت بهذه الرائعة كي تنسينا عتب تأخرك علينا

ولن ننسى لاننا ننتظرك بفارغ الصبر ولكن لن نعاتبك فقد ارضيتنا وامتعتنا

مشعل الضوي صح لسانك مدد بلا عدد

قصيدة راائعة راائعة تعجز احرفي عن وصفها

ولا املك تعابير اقولها لك . سوا ابدعت وليس بغريب عليك هذا الابداع .

مشعل صح لسانك مرة اخرى وتقبل فائق تحياتي لجنابك .

[هندي المقبل]

مبدع كعادتك

مشعل لك كل الود وصح الله السانك على هذه الرائعه

[سعود العواجي]

الشاعر الشاب والمتألق دائما ً / مشعل الضوي


لم أكتفي بسماعها والان هاأنا اقرأها هنا ...


قصيده اعتبرها مصافحه بعد طول غياب ..


مدري وش اقول .....لكن أنتـي اسطـوره
مشـاعـري فــي إجـــادة وصـفـهـا عـابــت


أنا بعد مدري ش أقول ؟ امام هذه الرائعه


ياخي وينك من زماااااااااااااااااااااااااااااااااااان ؟

كل مااقرا قصائدك أرجع واعتب على غيابك




تقبل مودتي

[تركي صالح]

الرائع المتألق الشاعر / مشعل الضوي

أبدعت كعادتك بل زدت الابداع أبداعً

بهذه الرائعه اللتي نورت علينا منتدى الشعراء

بروعتها وجمالها الساحري الاخاذ

صح لسانك وسلم بنانك

وصدقني مهما قلت ومهما كتبت أتجاه أبداعك

بهذه الرائعه فصدقني أنني سوف أقصر بحقك وحقها

ولا كن كما قلت في البيت الاخير

تدرين؟مـن جيتـي الــى الحـيـن يــا نــوره
.....................................الشمـس و الله مـا احسـب انهـا غابـت!!!!

فهذه القصيده أيضاً نورة منتدى الشعراء وزات نوره نور

لله درك ايها الرائع

ودمت بكل خيراً وعافيه

وتقبل فائق التقدير والاحترام

[عبير الورد]

أخي الشاعر مشعل الضوي

قصيدتك جزله ومبدع اخي شرفني المرور عليها



صح لسانك


اختك عبير الورد