][ سـود الـقلـوٍوٍبـ ][

[محمد الرسلاني]

السلام عليكم ورحمة الله وبركاته،،،،،

اخواني بصراحه انا اشوف نفسي شاعر فحل بشرط اني ماسمع صقر عنزه مطلق النومسي لأني من اسمعه تتغير نظرتي

في نفسي واليوم ماسمعت اي قصيده له على شان كذا كتبت قصيده

ياالله يارب المخاليق داوي = سود القلوب مدورين الفشيله
اللي يحسبون القمم بالمناوي = وعلومهم بين الخلايق هزيله
عراض الكتوف مسرسرين العزاوي = اهل الرخامه عاشقين الرذيله
عنهم يشومن لابسات الغطاوي = وساع العيون مصفصفات الجديله
فنجالهم مخدوم بين القهاوي = أنذال قوم ولا وراهم حصيله
جونا يجرون الفتن والبلاوي = والحقد باين بالوجيه الذليله
الله ياألعن من يحب الدعاوي = الي على ربعه يولع فتيله
الناقص أللي بالبشر مايساوي = عقيم فكر ولايجيب الجزيله
أللي يحسب أنه محنك وراوي = شال المخازي كلها في شليله
والشاعر أللي في نظرهم مخاوي = شاعر فحل نال الصداره بجيله
هو أللذي تزهاه بشت الحساوي = صقر عنزه يزهاه راع الكحيله
النومسي مطلق بعيد الهقاوي = أللي يساوي في عيوني قبيله

[مزيد المزيد]

الله عليك يامحمد



القصيده رائعه والاروع منها قلبك الطاهر والنقي


عزيزي / محمد


لاتغضب من تلك الفئه التي ترى الحقيقه وتتركها .....


مطلق شاعر فحل ولا غبار عليه وتاكد لايرمى بالحجر الا الشجر المثمر


فقد يعجز الاخرون عن الوصول لما وصل له مطلق فيبحثون عن الاعذار الواهيه والتهم الملفقه



لكي يقوموا بتشوية صورة هذا المبدع مطلق النومسي




النومسـي مطلـق بعيـد الهقـاوي
أللي يسـاوي فـي عيونـي قبيلـه


صح لسااانك مليون ولاهنت وذكرتني بقصيده قديمه على نفس المحور والقافيه


دمت بكل نقااااااء كما انت

[سندريلا]

ابيات جزلة ورائعة من شاعر عملاق

لرجل يستاهل المدح مثل مطلق النومسي

محمد الرسلاني صح لسانك

[مشعل الضوي]

صح لسانك..............

مشاعر ترجمتها بكل اتقان..................

ابداع رهين افكارك الثائرة..............

صح لسانك من جديد وتقبل تحياتي................

[محمد الرسلاني]

استاذي / مزيد المزيد

شكرا كل الشكر على مرورك

[محمد الرسلاني]

الاخت سندرلا

شكرا على مرورك

[محمد الرسلاني]

شاعرنا المبدع / مشعل


شكرا لك على مرورك