كــيبورديـــــه ... واستلـــم يا بــدر حنــيـف - °~*¤®§(§ شبـــكة ويــلان العـربـيـه §)§®¤*~ˆ°

**سلطان المسلط** · 25/12/06, (07:49 PM)

اعزائي اعظاء ويلان

بعد قياته 000 وكومه اسئله 000

استلم يابدر حنيف ..

يابدر للشعر وقـت وللقـوافي ثوره=والقصيد اللي معك يا صاحبي يحلا لي
مايضيق ولا يروغ ولا يفارق طوره=وافي ولا له مع اهل التافهه منزالي
الملك في ديره العميان عينه عوره=وانت تسلم لي عيونك فوقهم متعالي
هاك بعض اللي طرا يوم طرت لي نوره=هاك بعضي واترك لبعضي لحن موالي
يابدر و(العين بالعين) ياعيني وعينه حوره=لاتقول (السن بالسن) وتزود علي هبالي
دونها عود يحرس البيت بالباكوره=ول .. عله .. من ضحى باكر .. بليا والي
نوب عند الباب واقف .. نوب يمسح سوره=مار حتى ظلالها عيا ينوش ظلالي
كن وجهي وجه جندي منتصف بالدوره=ناحل حاله وحاله ما يخالف حالي
يستعد ويستريح وما يغيب حظوره=ويتمنا شوفه الغاليين .. غالي غالي
ويالمسيكي لو تشوف اللي بهاك الصوره=كان ماتطري( شعيب الهيل) و(البغالي)

**عبدالله عايد** · 26/12/06, (03:18 AM)

الملك في ديـره العميـان عينـه عـوره
وانت تسلم لـي عيونـك فوقهـم متعالـي

ما ادري انت مدحت بدر ولا سبيتنا ؟!!

عموما ً يعطيك العافية .

**سعود العواجي** · 26/12/06, (03:21 AM)

الملك في ديـره العميـان عينـه عـوره
وانت تسلم لـي عيونـك فوقهـم متعالـي

يعطيك العافيه ياسلطان المسلط .

**سلطان المسلط** · 26/12/06, (05:55 AM)

عبدالله عايد

هلا وغلا فيك

وماعاش اللي يسبكم يالويلان

الملك في ديره العميان عينه عوره ..

لكن فيه مثل يقول ( الاعور في ديره العميان ملك ))

لا والله يا عبدالله عايد .. اللي يسبكم يسبني يالغلاا

اقتباس:

ويابدر قل للي علـى كفـه الطيـر
ماكل صيـده تشبـع اللـي رماهـا

وللشاعر المبدع عسى فاله الخيـر
وصل سلامي واخبـره فـي مداهـا

قله ترا الغيمه تبـي دهنـة السيـر
ان كان له خاطـر بباقـي غلاهـا

**سلطان المسلط** · 26/12/06, (05:58 AM)

سعود العواجي ..

هلا فيك يالغالي

الملك في ديره العميان عينه عوره .. وانت تسلم لي عيونك فوقهم متعالي

والله يا جماعه بيت مافيه شي ..

لا تحسسوني بذنب مارتكبته

سعود مكانك مرتفع ياسعود

مودتي

سلطان المسلط

**سلطان المسلط** · 26/12/06, (06:00 AM)

قله ترا الغيمه تبـي دهنـة السيـر
ان كان له خاطـر بباقـي غلاهـا

هذي هي فئه الاعور في بلاد العميان ملك

وبدر حنيف وصل رغم عنهم ..

**القايد** · 26/12/06, (02:04 PM)

اقتباس:

الملك في ديـره العميـان عينـه عـوره
وانت تسلم لـي عيونـك فوقهـم متعالـي

العلوم الاوله والتاليه مخبوره
...............................لاتفسرها على ماتريدها يالغالي
وانت ياسلطان نوب ونوب من جمهوره
.......................حسب عرفي والمعاني جزلها يحلالي

اقتباس:

المشاركة الأصلية كتبت بواسطة سلطان المسلط

قله ترا الغيمه تبـي دهنـة السيـر
ان كان له خاطـر بباقـي غلاهـا

هذي هي فئه الاعور في بلاد العميان ملك

وبدر حنيف وصل رغم عنهم ..

الاخ سلطان

بغيت تكحلها وعميتها

أعتقد بانك أخطاءت فهمها

على كلاً الله يعطيك العافيه