جديد سليمان المانع !!

[صالح العرجان]

عمري غلط كله .. وياكثر مااخطيت
........... وياكثر .. مااكثر من خطاي اظلموني

لو مااترجى .. رحمة الله توفيت
........... من كثر مافاض الندم .. من عيوني

كان القلوب بيوت .. ماعاد لي بيت
........... يالغربه .. اللي ماتعيشين .. دوني

أدمت مخالب وحدتي ، ضحكتي جيت
............ أحمل نعش ذكرى .. لناسٍ نسوني

بيض النوايا ، مرحبا ، لا تقهويت
............ من سودهن .. والكل ماسامحوني

كيف افهم اللي صار لي لا نجليت
.......... وامعنت بالتفكير .. لا .. في جنوني

أشعر بأني كنت في مرحله .. ميت
........... لكن حييت .. وتوّهم ... يدفنوني

ياللعذاب السرمدي .. كيت من كيت
........... للطيش ، والحظ التعيس وظنوني

يارب .. لامني ذكرتك .. وصليت
........... وذكرت عفوك وانت لاضقت عوني

ضحكت .. ضحكة طفل لاهي .. وسجيت
............ ماهمني .. لو الجميع .. اخذلوني



سليمان المانع.

[اميرة الحرف]

أدمت مخالب وحدتي ، ضحكتي جيت
............ أحمل نعش ذكرى .. لناسٍ نسوني


الله الله الله مبدع ابو روز
ليس هذا البيت اجمل مافي القصيده ولكني اخترته لأنه حرك بداخلي شيء ما

شكرا لك استاذ صالح لاهنت

عيوووف

[ماجد الغانم]

االأخ الفاضل

صالح العرجان
شكراً على نقل هذة القصيدة الجميلة والرااااااااااائعة حقاً

لأبو روز

جهد طيب والله يعطيك العافية على حرصك
لنقل ماهو جديد ومفيد


تقبل تحيااااااااااتي

[فايز البذيلي]

صح اختيارك صالح



وصح الله لسان سليمان



رائعه جدا

[صالح العرجان]

المشاركة الأصلية كتبت بواسطة العيوف

أدمت مخالب وحدتي ، ضحكتي جيت
............ أحمل نعش ذكرى .. لناسٍ نسوني


الله الله الله مبدع ابو روز
ليس هذا البيت اجمل مافي القصيده ولكني اخترته لأنه حرك بداخلي شيء ما

شكرا لك استاذ صالح لاهنت

عيوووف

هكذا هم اسياد الشعر تهز ابياتهم قلوب المستمعين


منوره المختارات الشعريه

[جرح العنزي]

ليس بغريب على ابو روز هذا الإبــداع



صالح العرجان


سلمت يمينك على مانقلت لنا

[سعوط المجانين]

ضحكت .. ضحكة طفل لاهي .. وسجيت
............ ماهمني .. لو الجميع .. اخذلوني

الله الله صح لسان ابو روز ويعطيك العافيه يالذيب على النقل

...