مــلـك خـفــوقـي وتـخــضــع لـلـمــلــوك الــرقـــاب !!

[منصور الرويلي]

يامعدن الالماس والفيروز ويا الذهب = يانجمة الصبح . يافرحة اللقيا . وهم الغياب
هاتي يدينك فديتك دون كل العرب = أبي أرتحل مع خيالك والذهاب الذهاب
ماعاد أبرجع على دربً بداية تعب = أبي عيونك دياري والرموش السحاب
ياللي وصالك على غير الحبايب صّعب= واصعب من الصعب لا يعد أقوى الصعاب
انتي ملاذي عن الدنيا وظل الهدب = سكة سفر في حياتي وانتي كل الزهاب
القلب عرش الملك والا المشاعر شِْعب = ملك خفوقي وتخضع للملوك الرقاب
والتايه اللي تخيل يوم قطف العنب = ليته تريّح قبل يمشي طريق الاياب
شاطر ويلعب ؟ ولكن من عليه اللعب = على الكرز والخزاما يوم سال اللعاب
سحرً على الساحر المسحور كم انقلب = وكم من عليلً على ريحة نسمها استطاب
هاذي تعادل بعيني كل شعر انكتب = هاذي هي القاف والمعنى وكل الكتاب
ديوان شعري وصدري ممتلي بالعتب = وأشوفها تختلج بين الرضا والعتاب
الباهره . الشارقه . كالشمس ماتحتجب= لاشرق سناها على الدنيا يزول الضباب
قمة سكوني وجمر المشاعر لهب = هي واقع الحلم مابين الخطأ والصواب
والدرب هذا تعب ؟ وجيت غاوي تعب = ومعها تجاوزت هم التعب والعذاب

*
*

[حادي السهر]

/

/



مساك الله بالخير منصور

صح الله لسانكـ ... ولاهنت


ولي سؤال .. ؟


هذا الغياب سببه أنشغال .. أم كوني شاعر

لأبد أكون مشغول ؟

:


حادي السهر

[هندي المقبل]

صح السانك منصور الرويلي

انا من اشد المعجبين في ماتكتبه ومن المتابعين لك

تحياتي لك

[مشاعر حالمه]

منصور الرويلي

صح السانك يالقرم ولاهنت

رائعه

تحيتي لك / مشاعر _ عزوة ابوها

[عبدالله عايد]

منصور الرويلي

صح لسانك واعتلا شانك

قصيدة رااائعة بروعتك

نعتب على غيابك فلا تتأخر

تقبل تحياتي لجنابك

[تركي صالح]

الاخ الشاعر / منصور الرويلي

اخي الكريم لنا فرحة الحظور وعتاب الغياب

صح لسانك اخي الكريم على هذه الرائعه

واللتي تجسدت بروعتها وجمالها

وجسدها شاعرها بشاعريته الفذه

ليقدمها لنا بحلتها الساحره

لله درك ايها المبدع

ودمت بكل خيراً وعافيه

وتقبل فائق التقدير والاحترام

[اورنس الهذال]

القلب عرش الملـك والا المشاعـر شِْعـب
ملك خفوقـي وتخضـع للملـوك الرقـاب
والتايه اللـي تخيـل يـوم قطـف العنـب
ليته تريّـح قبـل يمشـي طريـق الايـاب


منصور الرويلي

صح لسانك ولاهنت

قصيده تجعلني انتظرك دائماً بشوووق

دم بخير