الحب يعني - °~*¤®§(§ شبـــكة ويــلان العـربـيـه §)§®¤*~ˆ°

**حمد الوايلي** · 04/12/06, (12:38 AM)

الحب يعني كل شيٍ توده=يعني حياتن تختصر حس لحظات
يعني شعورن لا نبض ماترده=صوته يفوق ولا تجاريه الاصوات
مابه قناعه وماعرف ويش حده=آفه خطيره ومعجزة كل الآفات
مثل البحر في جزر موجه ومده= مثل السفن تبحر بوسط المحيطات
أرخ الحبل ياصاحبي لاتشده=ذكرك يموت وطاري الحب مامات
ماكل نفسن للهوى مستعده= وماكل قلبن يحتمل حزن وآهات
يعني الهوى مو أي واحد بقده=يعني يبي له قلب دل المتاهات
مايجرحك غير التجافي وصده= وانت الوفي دايم تشوف الخيانات
وأياك لاتقطع سبيل الموده= وتبقى وحيد الذات في غربت الذات
واللي يروح يروح لا لا ترده=ترى يبي يندم على كل مافات
الصعب في كل الطرايق تحده=حتى تنال اللي تبي بالنهايات
تعبت من طول الليالي وعده=متى يجي لي يوم وألقا البشارات
ودي بخلن دوم يدي بيده =وافي معي مخلص على كل الاوقات
أنسى معه طعم الشقا والمكده=وانسى مرارة طول ذيك المسافات

**سلطان الوايلي** · 04/12/06, (12:43 AM)

صح لسانك أخوي حمد

قصيدة جميلة تستحق الاعجاب

لاهنت يالوايلي

**مزيد المزيد** · 04/12/06, (07:41 AM)

حمد الوايلي

هلابك معنا وسعيدين بمعانقة قصيدتك ...

قصيده رائعه وتعني الكثير ...

أرخ الحبـل ياصاحبـي لاتشـده / ذكرك يموت وطاري الحب مامات

صح لسانك مليون ولاهنت

دمت بخير

**ماجد الغانم** · 04/12/06, (02:54 PM)

الأخ حمد الوايلي

صح لسانك

على هذة الأبيات الجميلة

لاهنت

على هذا الأحساس الصادق

تقبل تحياتي

**بدر الحنيف** · 04/12/06, (03:20 PM)

حـــــمــد الــوايــلـي ،،

أهــــلا بــك بــيــنــنــا ...

حـــضــورك جــمـــيــل ... بمــشـــاعر رااااقـــيــه ..

دااااااام بــــــــوحـك ..

كــــــل الـحـــــــــب ،،،

**سلطان المسلط** · 04/12/06, (06:21 PM)

ماكـل نفـسـن للهوى مستـعـده
وماكل قلبن يحتمل حزن وآهـات

يعني الهوى مـو أي واحـد بقـده
يعني يبي له قلـب دل المتاهـات

مايجرحك غير التجافـي وصـده
وانت الوفي دايم تشوف الخيانـات

صح لسانك وقصيده رائعه وتحمل بين طياتها كثير من المعاني الجزله

النابعه من تجربه وخبره

دمت بخير

سلطان المسلط

**حمد الوايلي** · 05/12/06, (12:36 AM)

شكر خاص لكل من عطر صفحتي بمروره الكريم

دمتم سالمين