........سهم المواشي ........... - °~*¤®§(§ شبـــكة ويــلان العـربـيـه §)§®¤*~ˆ°

**تركي صالح** · 03/12/06, (11:33 PM)

أتت هكذا فأرجوا أن تحوز على رضاكم

لا والله الا طاح سهم المواشي = والسوق حمر تنزف اركانه الدم
ضعنا وحرنا وسط سوقً فشاشي = يومً بنور وعشرة أيام مظلم
ومن بعد ما كنا غدينا ولا شي = وصار الامل بعد التأسس محطم
والبنك يملك حول نصف المعاشي = قرضً وضيع وسط سوقً مهدم
شفنا المؤشر يصعد لفوق ماشي = وكلن يقول الخير يا ناس أقدم
مكسب كبير ولا يبيله نقاشي = يا لله نبيع ونشتري بالدراهم
نبي لنا بيتً وموتر وكاشي = متوفراً واللي نريده لنا يتم
وضاع الامل وصار حلم متلاشي = بعد الذي شفناه بالسوق نظم
قلنا نبي نملك سمين الكباشي = وصرنا كبوشن بيد ما ضن ترحم
وصار النصيب عظام كله عراشي = هذا الاخير بجيته دوم يهزم
وانا احمد الله غيرنا بالنعاشي = ولا اسيراً وسط سجنً من الهم
والبعض الاخر راح سوق القماشي = ولا طريقه رايح لسوق الاسهم
يمشي ولا يدري على وين ماشي = تسوقه الخطوه ولا هو بيعلم
وصرنا حكي ومسلسل انتاج طاشي = نهايته تجرح وتحزن وتألم
بس الرجاء با قي وبا الله عاشي = ثمً بابو متعب عزا كل مسلم

**سعود العواجي** · 04/12/06, (12:22 AM)

الشاعر الرائع والمبدع / تركي صالح

تدري اش اللي يكفيني فخر ..اني اول من عانقها ورد عليها ...

قصيده من اجمل ماقرأت رغم حزنها >>>> ضحيه من ضحايا الاسهم :d :d

دمت مبدعا ً كما عهدناك ...

وكل الشكر لحرفك الرااااااااااااااااااااائع

صح لسانك ..

**سلطان الوايلي** · 04/12/06, (12:46 AM)

صح لسانك أخوي تركي

قصيدة قمة الروعه

لاهنت

**صمت1** · 04/12/06, (02:28 PM)

الاخ تركي صالح

رااااااااااااااااااائع
صـــــــــــــــــــــح لسانك
وماقصرت
بيض الله وجهك
والله يعوض المسلمين
ويعوضك خيــــــــــــــر
ودمت بخيـــــــــــــــــــــــــر.

**ماجد الغانم** · 04/12/06, (02:50 PM)

أخي العزيز

والمشرف المتميز

والمبدع دااااااائماً

تركي الصالح

الله عليك يالرااااائع

فدائماً انت هكذا

صـــــــــــــــــــــــــــــــــــــــــــــــح لـــــــــــــــــســـــــــــــــــــــــــــــــ ـــــــانـــــــــــــــــــــــــــــــــكـــــــ ـــــــــــــ
ولا فــــــــض فــــــــــــــــــــــــــــــــوك

على هذا الأحساس الصادق

والله يعوض عليك وعلينا

بس ترى فيه توصية قوية على المواشي

لا تفوووووووووووووتك

ترى امزززززززززززح

ابو صالح وين الغيبة يالغالي؟...وحشتنا كثير

تقبل تحياتي

وخالص تقديري واحترامي

ودمت بكل خير

**سلطان المسلط** · 04/12/06, (06:35 PM)

اخوي تركي صالح صح لسانك ملايين .. وليتها جت على المكيرش بس

يرجال والله من جرف لدحديره

من تطلع نادين هاني وحنا ماغير نتناقز تقل مجنن

وكتبت هالابيات ايام الربيع العاام

قلبي خضر يطرب لشوف المزايين
والقاع خضرى بالحفر والصداوي

الا المؤشر كنه شفاة نادين
وزاد الشقى لا ياحياه الشقاوي

خلاص تبنا ما ندور ملايين
يالله براس المال تمحى البلاوي

هذا كركتير لقيته يصلح للقصيده والاهداء لا اخوي سعود العواجي وعلى فكره يا سعود

كلنا ضحايا

سلطان المسلط

**بدر الحنيف** · 04/12/06, (07:23 PM)

تــركــي صـــالـــح ،،

نـــص جــمــيل .. رغـــم حــزنــه ..

راااااااااائـــع ..

حــمــدالله ... لا نـــاقــه ولا .. جـــمــل .. بالـــســوق .. اللي رثـــع بـــروااااده ..

عـــــــســـى الله يصلــح أمـــوركــم ..

صـــح ألــــــســـانك .. ولا هنــت ..

كــــــــل الحــــــــب ،،