الباب الثاني

[ابو جمال المنيس]

الباب الثاني

أنا من ثلاث أيام والفكر كالدولاب = يدور بمكانه و يتقدم و يرجع به
تفره هواجيسه ولا يعرف الأسباب = تنزله بعض أحيان وأحيان تطلع به
يرف بمكانه مثل ما يرجف الصباب = يعبر المحيط وقاطر البيت يطبع به
غدى مثل من يقدم على شي لكن هاب = أو اللي يدّور ما لقى علم يقنع به
أشوف الضيوف اللي تزاحم بثاني باب = وأشوف الحجيج كثار تفتر بالكعبه
أجامل محبيني وأنا هاجسي مرتاب = وأشوف الربيع وناظري ما تمتع به
وأسولف مع الحاضر وفكري مع الغيَّاب = وأعرف الحقيقه زين لكنها صعبه
ايا غيبة ابن هذيل عنا هنيه غاب = عن الوقت هذا كل ما فيه يجزع به
زمانٍ يخذل السيف و يقلط المشعاب = تجوع الصيارم وأبرق الريش تشبع به
تساوت بها روس السوالف مع الاذناب = يعز الهزيل وطيَّب الساس يقمع به
وعن ذياب بن غانم قنعنا بعمر ذياب = ندش السباق ولا كسبنا ولالعبه
صحيح اللحا ما تكرم الاّ من الأشناب = واللي فاخت أصحابه ترى الناس تطمع به
يصلي بمسجد مير لا يقرب المحراب = ولا فيه سيَّد قوم لاجل أتشفّع به
تخالط قيم والا تمازج بشروانساب = تناغم نشوفه شوف والناس تسمع به
طلع فيه شعبه ما يجيها طريق إنصاب = وبدل شعبة المياه صرنا مية شعبة
.................................................. = أو تجيب عالم محترم مثل ابن شُعبه
أنا في بنوك سويسرا ما فتحت حساب = فقير ورصيدي متر قاع اتربع به
لكني عرفت مسيلمه لو حلف كذاب = عسى النار تطفي عن سُليم وتولع به
ونخيت القصيد إيزيد لكن قافي شاب = ولكن ضميري دايم الحزن يرتع به

(( عقيل سعود المنيس الشمري 12/4/2003))

[عبدالله الحجيلان]

ابوجمال



دمت بهذا الجمال وبهذى الروعه



أنـا فـي بنـوك سويسـرا مـا فتحـت حسـاب
فقيـر ورصيـدي مـتـر قــاع اتـربـع بــه

لكنـي عرفـت مسيلمـه لــو حـلـف كــذاب
عسـى النـار تطفـي عـن سُليـم وتولـع بـه

ونخيـت القصيـد إيزيـد لكـن قـافـي شــاب
ولكـن ضميـري دايـم الـحـزن يـرتـع بــه




رائع والله ياابوجمال ولاتستقرب الروعه من شاعر بحجمك



تقبل ودي وتقديري

[مزيد المزيد]

ابوجمااااااااااااال



هلابك ممليون بين اخوانك وسعدنا كثير" بتواجدك بيننا .


لكنـي عرفـت مسيلمـه لــو حـلـف كــذاب
عسـى النـار تطفـي عـن سُليـم وتولـع بـه


مبدع الله لايهينك وقصيده تحمل من المعاني الكثيره والجميله بلا شك


صح لسانك ولاهنت

دمت بخير

[محمد المقبل]

ابو جمال

صح لسانك بلاحدود

هذا الابداع يجبر القاري على المتابعة

لاهنت على هذا الحضور الرائع

تقبل تحياتي

[نمش الشمري]

صح إلسانك مليوووووووووون


دائما على الجرح يا بو جمال



أكيد أنني إستمعت إليها سابقا ..... ولكن أحسست كأنني لم أسمعها من قبل قط

وهكذا هي قصائد المبدعين أمثالك


أشوف الضيوف اللـي تزاحـم بثانـي بـاب
.................................وأشـوف الحجيـج كثـار تفتـر بالكعـبـه
أجامـل محبينـي وأنـا هاجسـي مـرتـاب
.................................وأشـوف الربيـع وناظـري مـا تمتـع بـه
وأسولف مع الحاضـر وفكـري مـع الغيَّـاب
..................................وأعـرف الحقيقـه زيـن لكنـهـا صعـبـه
ايـا غيبـة ابـن هذيـل عنـا هنيـه غـاب
................................عن الوقـت هـذا كـل مـا فيـه يجـزع بـه
زمـانٍ يخـذل السيـف و يقلـط المشـعـاب
..............................تجوع الصيارم وأبـرق الريـش تشبـع بـه
تساوت بهـا روس السوالـف مـع الاذنـاب
.................................يعـز الهزيـل وطيَّـب السـاس يقمـع بـه
وعن ذيـاب بـن غانـم قنعنـا بعمـر ذيـاب
...................................نــدش السـبـاق ولا كسبـنـا ولالعـبـه


لله درك

[تركي صالح]

ابو جمال المنيس

صح لسانك وسلم بنانك

على هذه الروعه وهذا الجمال

نثرت لنا هذه الدرر المتلآلآه

وبريقها الجذاب لنبهر بها

وبلمعانها الصافي

لله درك أيها الرائع على ما قدمته لنا

وسلمت ودام صفاء طرحك الراقي

وتقبل فائق التقدير والاحترام

[عبدالله عايد]

الشاعر الرااااائع / ابو جمال

ما اجتمعو على ثاني باب الا ان فيه خير

والتاريخ يعيد نفسه

صح لساااااانك وقصيدة تجعلك تقراها اكثر من مرة لتعرف ما وراء الاحرف

ابو جمال صح لسانك وتقبل تحياتي لك .