[color=00008B]بسم الله الرحمن الرحيم
السلام عليكم ورحمه الله وبركاته
أولا أعذروني على القصور
ادري مقصر بس كانت ضروف وتسهلت الأمور
اضع بين ايديكم هذه المتواضعه
أتمنى ان تنال أعجابكم [/color]
جاني خبر سم حالي والقلوب ضعوف
خبر توديع لي شخصن غدا حلي وترحالي
ركضت استفسر واسال وقلبي يعتريه الخوف
صحيح الى سمعته والا قول عذالي
قال الى سمعته صح ترا الدنيا رخا وضروف
بسافر واجتهد وارجع وانا مانيب بلحالي
معي رب العباد الى يساعدني على المعروف
ومعاي قلوب خلاني اذا ضاقت بي قبالي
زهمت القاف والمعنى خلقت من الحروف حروف
عشان ابدع بقيفان الشعر وازلزل جبالي
ثارت بي براكين القوافي والقلوب رهوف
وتحدر دمعه عيوني وانا اشوف القفر خالي
بعد فرقاك يالغالي ابحضن صورتك وطيوف
بعيش الحاظر بماضيك مهما ابعدت يا غالي
طيوفك دوم قدامي اسكنها بحشاي ضيوف
واقهويهم دلال الشوق قبل اذوق فنجالي
سكنهم داخل عيوني واهدابي تراها سيوف
بغطي عيني بجفني وغيرك لا حشا مالي
غلاتك عاليه عندي وغيرك لا ابد ماشوف
ولكن من يسد غياب غالي من بعد غالي
مدام انك قوافي الشعر الى ساكنه بالجوف
اجل لا رحت كيف اكتب وكيف ادون اقوالي
قعدت اصيح واصفق يديني بالكفوف كفوف
ولكن ما بيدي شي عساها تزين احوالي
ابيك اقوى وانت اقوى ولكن العيون تشوف
تراها دنيتك صعبه ودربك كنه جبالي
وعوره مع خطوره درب ولكن كلها مخلوف
كونك رايح تجيب الشهاده والجبل عالي
تراك انت شمالي والشمالي ما يعرف الخوف
وصدرك لا يضيق أبدن تذكر انك شمالي
عسا رب العباد انه يصبر قلبي الملهوف
ويجبر خاطري في رجعتك سالي
عسا ترجع لخلانك واهلك سالم محفوف
من شرور الفراق الى تزلزل كل رجالي
أخوكم : احمد البطمان
08/11/06, (01:54 PM)
سافر
العرض العادي
