ان كـان على البترول قلنا عسى خير.......نسمع ولاة الامـر وان قـل خيره
نسمع ولا نشكي على الزود تقصير.......... والـزود فـيكم ذاخرينه ذخيره
يـاصفوة رجـال الوطن يا مناعير................ يـاسـادة الـدولة ونـعم العشيره
الروح تفداكم على العود وصغير................ونـجدد البيعه ونحيي المسيره
بس المصيبه لعوزونا الهوامير...................... يـوم ارفعوا الاسعار وختل سيره
تسعه وعشره وادبلوها مخاسير ................. والدافع المسكين يشكي مصيره
يدفع وشاف السعر في زود ويطير...............مـافـي يده حيله وذاق المريره
واهل الكراسي الدايره والمشاهير................مـاهــــمهم زاد الفقير وقصيره
ولاهـمهم شـيء ولاهـمهم غيـر ...................جـمع الــــدراهم للبطون الكبيره
هذا اللذي حاصل ترا اليوم ويصير................والله يستر من اعلوم الجزيره
ودي ولا ودي اصرح تعابير......................... لاكن مصاب الحال منوه يجيره
وان قلت بسكت حل بالنفس تقصير................هاجوس في صدري وعقلي يديره
ماصار مقبول حشى ما صار تعزير..................حسبي على من لامني في وزيره
نبغي من رجال الحكومه تفاسير.......................واسعاف يسعف للجروح الغزيره
وان كان في قولي بلاغه و تزوير..................... روحوا انشدوا العقال واهل البصيره
ما انقد على ربعي ولا انقد على الغير................ انقدعلى من لا يحاسب لغيره
ما صغتها للـذات ولا تـحاذيـر..........................ولا قـــلـتها ادور مــن الـناس جيره
قاف اجتماعي والهدف منه للخير........................ صاغه فقير يعلم الله مصيره
والسموحه هذي اول مشاركة
16/09/06, (11:22 PM)
ارتفاع البترول
العرض العادي
