مسابقة التحـــــدي لجميع الشعــــــراء - °~*¤®§(§ شبـــكة ويــلان العـربـيـه §)§®¤*~ˆ°

**سلمان الردسا** · 11/08/06, (02:44 PM)

بسم الله الرحمن الرحيم
السلام عليكم ورحمة الله وبركاته وبعد 0000

ايها الاعزاء ويلان 00000

بعد الغياب الطويل

احب ان اهدي لكم هذا الموضوع ليكون دافعا للمشاركه من جميع الشعراء ولخلق اجواء من التنافس والتحدي و

الاثاره لذلك نرجو المشاركه والاهتمام والتفاعل مع الموضوع 00000

كيفية اللعبه تتكون من بيتين شعر حيث يبتدي البيتين بالحرف اللذي انتهى فيه البيتين السابقين للشاعر السابق

مثال على ذلك

مع السلامه كان تبعين فرقاي=بقول انا خلاص مدي يدينك
بوادعك واروح ماعاد انا جاي=واذ ندمتي بيوم الله يعينك

الرد ان يبتدي البيت بحرف كــــــــــــــاف كمى انتهى البيت السابق

كتبت من قافي جديدات الامثال=للي بوسط القلب عالي محله
للصاحب اللي خوته تشرح البال= قرم على الفزعه يروم المطله

وهكذا يستمر التحدي والاصرار من جميع الشعراء

ونرجو من لجنة التحكيم تنصيب اول ثلاث شعراء من حيث جمال البيتين من جميع النواحي الادبيه والجماليه

والصور والقافيه والقوه والمعني

ولايشترط ان تكون ابيات الشعراء على نفس البحر والوزن والقافيه والموضوعيه

لكل شاعر حرية التعبير والاختيار

هذا الموضوع من فكرة واعداد اخوكم سلمان الردسا 000

ارجو ان يحوز على رضاكم واعجابكم وارجو التفاعل معه

ودمتم

بيتين بداية المسابقه هما البيتين التاليين من كتابتي الكيبورديه المتواضعه

عديت انا في رجم لاهه واوميت=والدمع يملا محجر العين يا صفوق
لا واعذاب القلب انا يوم صديت=شدوا واشوف ان الغنم تتبع النوق

**بندر المطرفي** · 12/08/06, (01:34 AM)

قالوا تحدي قلت قد التحدي=فنجال غيري اشربه لا تحدى
شعري سلس والقد والله قدي=اصعب جبل يرقاه لا ما يتعدى

دمت سالما

**شمالي** · 12/08/06, (11:14 PM)

اخوي سلمان الردسا

يسعدني ان اشاركك بهذه المتواضعة

أنا بعد يالمطرفي جيت اسلم = واكتب من ابيات المعاليق سطرين
من خافق فية القصيد ايتولــم = وأرسلها لعلوم الرجال الحشيمين

ولك خالص الود

شمالي

**خلف سليمان البجيدي** · 12/08/06, (11:47 PM)

بسم الله الرحمن الرحيم

سليمان الردسا

تحيه طيبه

ومشكور على الفكره الرائعه...

نبي على طار المثل نبدع البيت= وقالوا حلاته كان جاله مجالي
ورديت لك ياللي على البال رديت=ماهو بخاطي رد ياهملي

**طلال معيض** · 21/12/06, (01:29 PM)

يعطيك العافيه اخوي سلمان على ها الفكره الرائعه
وانا اقول

ياصاحبي سلمان اهلا هلافيك
ابدعت باالفكره وجبت التنافس
حنا معك باللي تقوله ونرضيك
واقبل تحية صاحبك يابن را د س

**سلطان المسلط** · 21/12/06, (10:20 PM)

سلمان مشكور على هالبادره الطيبه .. وكعادتك يالغالي متميز دائما

حبيت اشارك وهالابيات على الماشي

سلمان وان قالوا هل القاف سلمان
ياطى على خشم القصايد بقافه

سجل حظوري واكتب الاسم سلطان
والمنتدى قرٌب بعيد المسافه

**ماجد الغانم** · 22/12/06, (02:04 PM)

مشكور اخو سلمان على هالفكر الراااااااائعة حقاً

ومبادرة جميلة منك

هلابك صاحب الفكرة على مابديتبة مشكور =تحية طيبة مني الى الأجواد مرسلها
تراني صادقٍ فيها ولالي بالكذب والزور= تحية صادقة والله الى الويلان مهديها