خاص للبنات واللي بيفزعون ويساعدونا بالمظاهره تفضلوا - °~*¤®§(§ شبـــكة ويــلان العـربـيـه §)§®¤*~ˆ°

**@@لين الورد@@** · 08/08/06, (08:49 AM)

1-2-3

الو الو الو

<<<<طقاقه تجرب المايك

عاشوا عاشوا

ورا ورا

تصدقون جت براسي

لاني اذا تخرجت اكيد ياطقاقه يافراشه(بشد الراء) يابساطه

والاكيد انها طقاقه بس طقاقه جامعيه

المهم ادخل بالموضوع

بينما كنت اتجول بالمواقع ومن منتدى الى منتدى

فاذا بي اشاهد كل منتدى يوجد به منتدى خاص للمرأه

فأول ماطرى على بالي منتدى ويلان

تدرون ليش؟؟؟؟؟؟؟

تذكرت اني في قديم الزمان

رحت لقسم الشكاوي والاقتراحات السياره كذبيه

لحد يطلع لي ويقول ماعندنا سعوديات يسوقن سيارات

وقدمت معروضي اطالب ادارة المنتدى(الحكومه على قولة شموخ)

يتصدقون علينا بقسم للمرأه

لان المرأه نصف المجتمع يعني المفروض نص الاقسام بالرئيسيه لنا

<<<< ليه المنتدى منتدى ابوك

بس لا مانبي هذا كله

وماقصرو الاخوان لقيت تجاوب واستبشرت خير

لانهم قالو بيحطون قسم فرعي

لكن الزوبعةاللي جت المنتدى حذفت موضوعي

لكن باين انهم مانسو شكواي لاني كسرت خاطرهم

وقاموا وكتبوا تحت الاسره والمجتمع

كل مايختص بحواء والطب والحياة والمجتمع والفرد والطفل والشايب والعجوز...الخ

<<<< ياشين اللي يبالغ

يعني استكثرو علينا معشر النساء قسم يضفنا

انتظرت يوم يومين اسبوع اسبوعين....

لكن لاجديد

كنت بقدم شكواي بقسم الشكاوي قلت صعبه اقط وجهي

وافهميها يالين انتي مالك مكان

والباب اللي دخلك يطلعك

لكن بما اني امراه من حديد وليس من جليد

قلت لن أيأس وسأحاول حتى اخر نفس

<<<< ليه داخله حرب لاسمح الله

والفشل اول خطوات النجاح

قلت مالي الا اروح لقسم الاسره والمجتمع والطب والحياه وحواء وادم وكلام نواعم...

وفعلا رحت بس بسياره ثانيه

ومن هذا المنبر انادي كل بنات حواء

لاني قررت اقامة مظاهره سلميه

بقيادة مشرفتنا شموخ لسببين لاني بورطها واحطها بوجه المدفع

والسبب الثاني عشان تصير واسطه عند الاداره وعلى الله ماتجحدني شموخ

<<<<< كنها تتخيل شموخ تقول لاوالله ياوخيتي لااعرفتس ولا تعرفيني خابرتها خواااااافه

ونبغى نجيب معانا قذائف ار بي جي وقنابل عنقوديه وعبوات ناسفه والاسلحه الرشاشه

وفيه اعتقالات لمسؤلين كبار

<<<< متأثره بالاخبار ولا ماتعرف حتى اشكالهن

وعندي خيارين:

اقاوم حتى الموت في سبيل استرجاع حقوق المرأه التي مازالت مضطهده

او ادارة المنتدى الموقره يقضبوني الباب وهذا اللي بصير اكيد

<<<< كل هالبلاوي وماتبين احد يطردك

والمطالب انا بمسك المايك بالمظاهره وااقولها بس اختارو وحده منهن وهي مايلي:

<<<< طرار ويتشرط

1/ يصير منتدى الاسره والمجتمع فقط بدون الطب وشلته

وداخله ثلاث اقسام فرعيه

ا/المرأه

ب/ الطبخ

ج/ الاثاث والمنزل

<<<<<وهذا حلم ابليس بالجنه ليه قالو لك عالم حواء على غفله

2/ ماتشيلون الطب والحياه

لكن تحطون قسمين فرعيين

واحد للطبخ

والثاني للمرأه

3/ تحطون قسم واحد فرعي لحواء

ويستحسن يصير تصويت وحنا راضييين

ولحد يجيني ويقول البنات شوي بالمنتدى ترى ابشنقه بالرصاص

مالومهن المنتدى غالب عليه الشعر

<<<<متعقده من شئ اسمه شعر نبطي

المهم اللي بيدخل الموضوع يرد ولا يمر مرور الكرام

كفارة المجلس:

سبحانك اللهم وبحمدك اشهد ان لااله الا انت استغفرك واتوب اليك

لاني حاسه اني بنطرد

ودمتم بحفظ الله

اصالة عن نفسي ونيابة عن خواتي بنات حواء ورئيسة جمعية حقوق المرأه بالوطن العربي والاسلامي

اختكم المظلومه

ليــــــــــن

**شمــــــــوخ** · 08/08/06, (06:52 PM)

<<<<<<< جايه تركض ومعها رشاشات مويه حاره للمظاهره النسائيه

أهبي يالين مسوية قائد من وراي وربي تصلحين معي أمشي نكمل المسيره بشارع الشكاوي والأقتراحات

والله في خاطري أنقل موضووعتس هناك علشان يكون صوتنا مسموع <<< امشش

بس تعالي كنتس مكثره الطلبات شووي هالحين فرع حواء اللي نبيه وللحين مافكروا فيه

تبين فرووع ثانية قدمي معروض لأبوساره وأمسكي سرا

<<<<<<<< أمحق مشرفه

لاجد أضم صوتي لصوتس يالدبه من جد نبي حاجات تخصنا وخرابيطنا واجد وزينه وبتجوز لكم

<<<< تبيعين بضاعه انتي

ننتظر الدب محمد مالنا غيره ننشب بحلقه لين نشووف وش سنعهم هالمراقبين

ومعروضتس بقدمه مع معرووضي لأبو ساره يمسك سرا هناك بالمشرفين

,

لبى قلبتس يالين زني عليهم مثلي والا قد أعذر من أنذر

وأنا وأنتي شلنا شليلنا ونفتح لنا منتدى منافس لويلان

,

**مهاجره بإحساس** · 08/08/06, (07:00 PM)

وأنا بعد أضم صوتي لكم....

وفكرتك روعه يالينووووه

بس تعالي هنا من متى تسوقين يابكااااشه

عاد بالسعوديه كثري منها

تحياتي لك

مهاجره بإحساس

**@@لين الورد@@** · 09/08/06, (08:34 AM)

هلا والله بشموخ

تسلمين ياقلبي على هذا التأييد

بس تكفين لاتجبين طاري قسم الشكاوي

جربت مانفع

لازم نتدرج بالشكوى

وطلباتي واقعيه

واخرتها بنفتح موقع منافس

تهديد عشان يشترون سكوتنا

تصدقين جت راسي

نسميه ويلان نت او ويلان اكس بي

<<<مصدقه عمرها

**@@لين الورد@@** · 09/08/06, (08:43 AM)

اهلين بمهاجره مرورك الاروع

بس ياليت نلقى احد يلبي طلباتنا

يقولون كثرة الدك يفك اللحام

وبغثهم لين يطفشون مني ويفتحون قسم يفتكون من شري

وبالنسبه للسواقه تبين اعلمك تراي سواقه ماهره واعرف افحط بعد

بس اعلمك عالسيارات اللي بملاهي الخيمه

**@@لين الورد@@** · 09/08/06, (11:12 AM)

بعد مرور اكثر من اربع وعشرين ساعه

المؤيدين للفكره 2 من البنات

من الرجال صفر

المعارضين على الفكره صفر من الطرفين

وقد قمت باحصائيه

في يوم واحد 2 مؤيدات

في يومين يصبح العدد 4

في شهر 2*30=60

في سنه 60*12=720

يالله من يزود

والى ادارة المنتدى شكراااا على التطنيش للمره الثانيه

**نوووت** · 09/08/06, (10:43 PM)

أبشري بعزتس يالين مايجيبها الا حريمها

ترى عندي نبيطات صفن سرى وكل وحده تاخذ نبيطتها وعلى المراقبين

أضم صوتي للنشميات لعلها تثمر

كوني بخير

نوااااااااااااااته