دخيل الله يا قلبي ... أنا طالبك تعفيــني .. !!!!

[أبو فهاد]

السلام عليكم ... هذه مشاركتي الأولى ...





هذي القصيدة من أروع القصايد اللي قريتها ..



دخيل الله ياقلبي أنا طالبك تعفيني
........................ أنا طالبك تنساااااني ولو مره تخليني

أعيش بدنيتي وأهنى مثل باقي البشر سالي
..................... بدون الحب ياقلبي وبدون هموم تكويني

أنا ماعاد فيني روح تبيها تتبعك ثاني
..................... انا فيني جسد باقي بدون شعور يحويني

على كثر القلوب اللي هوينا ماصدق واحد!!
.................... ياقلبي ابتعد عنهم ترى اللي فيني كافيني

زرعْت الحب فـ أعماقي وحصدْت جروح تاليها؟؟
...................وردى هالحظ خاواني ولقى كل مايبي فيني

كثير أحباب حبينا وعطيناهم بدون حساب
......................... ولاخذنا سوى غدر ٍ ملأ راحات كفيني؟؟

وكثير أسباب تجبرنا بلا حسوفه نخليهم
.......................... لأنه والله مافيهم ولا واحد ملأ عيني

ولكن أكبر الصدمات جتني من يدين اللي
....................... حسبته غير كل الناس وما يعنيه يعنيني

هذاك اللي تصورته طموح العمر ياقلبي
...................... هذاك اللي تخيلته هناي وضحكة سنيني

عطيته من دفا روحي قصايد أشعلت ليله
....................وأنا ما أكتب لغيره ولا أي شخص يغريني

كتبت أحلى كلام الحب في عينه ولا فكرت
................ يجي اليوم اللي أستخسر قصيدي في محبيني

على مبدا (الخصوصيه) يحاول يبعد شكوكي
................ وعلى مبدا (الصراحه) كنت وكانت لعبته فيني

خذلني للأسف والله وهدم كل ما بنى بلحظه
................. وطلع هالحب ما يسوى مواطي تراب رجليني

أنا كنت أحسبه أعظم علاقاتي ولا ظنيت
........................ بأن أعظم علاقاتي بخيانة حب تنهيني!!

ويـمّـي صاحبي دايم يذكّرني بوهم حبي
.................... وأقول ارتاح يا عمي ترى مالك شغل فيني

خسرت أصحابي من حولي خسرت الكل بأسبابه
......................... ألا حسبي عليه الله كثر ما هو معنــّــّيني

أفااااا ياقلبي الطيب...أفا وشلون ترضاها
.................... وأنا من صدمة ٍ بالحب إلى صدمه توديني

بدون عناد اسمعني ولا تفتح لي الموضوع
..................... حشا لو تفتحه ثاني لأشيلك من شراييني

خلاص الحين انساهم وأنا ماعاد فيني حيل
......................... لهم رب ٍ يجازيهم/ ولي رب ٍ يجازيني

الشاعر : عبدالله الظفيري ..

[شمــــــــوخ]

أختيار رائع

صح لسان شاعرها

.

ولاهنت لنقلك لها

.

تقديري لك

[مزيد المزيد]

ابوفهااااااااد



هلابك بيننا وابرك الساعات انضمامك لنا واتمنى ان تجد بيننا كل مايسرك .




أفااااا ياقلبي الطيب...أفا وشلون ترضاها
.................... وأنا من صدمة ٍ بالحب إلى صدمه توديني

بدون عناد اسمعني ولا تفتح لي الموضوع
..................... حشا لو تفتحه ثاني لأشيلك من شراييني

خلاص الحين انساهم وأنا ماعاد فيني حيل
......................... لهم رب ٍ يجازيهم/ ولي رب ٍ يجازيني




نقل رائع وذوووووووق مميز واختيار موفق



صح لسان شاعرها عبدالله وسلمت يمينك على الاختيار المميز


دمت بخير

[صالح العرجان]

ابو فهاد


جزل ولا تجيب الا الجزل


مكتبه من الشعر متحركه لا يستاهن بها ذلك هو ابو فهاد


لا خلا ولا عدم

[كبرياء انثى]

اخيار موفق
وصح لسان شاعرها


ولاهنت ع النقل

فعلا هي كما وسمت

تحياتي لجميل نقلك

[هيـاا العـازمـي]

حللتَ أهلا .. ونزلتَ سهلا

على ويلان يا أبوفهاد

نـُـرحب بكَ بيننا أخا وصديقا للجميع

.
.
.

ويـمّـي صاحبي دايم يذكّرني بوهم حبي
........ وأقول ارتاح يا عمي ترى مالك شغل فيني

خسرت أصحابي من حولي خسرت الكل بأسبابه
............. ألا حسبي عليه الله كثر ما هو معنــّــّيني


كثر ما هو معنــّــّيني

أنشهد

حسبي الله عليه

وصح ذوووقك واختيارك أبو فهاد

وصح لسااان شاعرها عبدالله الظفيري