ياعاشقه شعري - °~*¤®§(§ شبـــكة ويــلان العـربـيـه §)§®¤*~ˆ°

**سعود الرشدان** · 21/07/06, (02:09 AM)

ياعاشقه شعري وانا فيك مجنون
استانسي جاك من الاعماق شعري
استانسي لجلك ظهر كل مكنـون
استانسي جاتك خفايـاي تجـري
بانت لكل الناس الاقصين والـدون
كلٍ سأل بالله من تكون؟.. تدري؟!
كلٍ سأل يالين وصلـوا يسالـون
كلٍ سأل قايل لـي امناتـي ادري
قلت اسمعوا اذا مصرين تـدرون
ابقوا معي وقتي صباحي وعصري
لابد مالحظه بها شفاهـي تكـون
تنطق كذا باسمه وانا شبه اهذري
حبيتهـا لاحـد مايبلـغ جنـون
حبيتها لاحـد ماضـاع عمـري
حبيتها وبحبهـا صـرت مفتـون
ورايح اضل احبها طـول عمـري
ياكم سهرت من اجلها لو تنامون
وياكم هواجيسي بهـا زادت إزري
حبي لها جمره على راس غليون
نارٍ على خافي خفوقـي تشـذري
حبي لهابصمه بها الصدق مدفون
حتى الادله تثبت الصـدق بـدري
حبيتها ماانكر وزادتنـي طعـون
الله لـو تـدرون عمـا بصـدري
حوريةٍ ماهـي مثـل ماتظنـون
منزهه عن كل عيـب وتمـذري
لامن مشت كل الخلايق يهالـون
مشي الدلع في مشيها بالتخطـري
موزونة الخطوه تقـل در مكنـون
عسلية العينين والخصـر مبـري
من حبها قمت اكتب الشعر بفنون
ومن حبها افزلمن اسمها اطـري
لـو اتحفـظ الجـوارح يبيحـون
ملامحي تفضـح خفايـه بعـذري
بس الوكاد اني بها بشعري آمون
اكتب بها لاالصبح وبمدحي اطري
وشعري بها لوفيه بي قيل مجنون
اقول عادي غيرة النـاس تـزري

قصيدة لشخص غالي علي
وهو الشاعر عيد سمران الحربي
واتمنا ان تعجبكم

**عبدالكريم العنزي** · 21/07/06, (02:39 PM)

الاخ /عبدالله الرشدان

يعطيك العافيه على نقل هذه القصيده

دمت بخير

**سلطان الشامخ** · 21/07/06, (09:59 PM)

صحيح ومن الحب ماقتل وشاكرين لك أخي النقل
ولكم تحياتي0000

**فايز البذيلي** · 21/07/06, (11:33 PM)

صح اختيااارك

قصيده راااائعه

تحيااااتي

**المشاعر** · 07/08/06, (08:39 AM)

حلوه القصيده..وصح لسان شاعرها..وتسلم على نقلها..بس مكانها مهووب في التصميم

اخوي/ تركي صالح .. أستلم.

**نواف العنزي** · 08/08/06, (01:25 AM)

ياعاشقه شعري وانا فيك مجنون
استانسي جاك من الاعماق شعري ............

صـــح لســـــــــان كاتبها موشكور اخوي سعود على نقلها...........

تحيــــــاااااااااااتي

**فيصل العنزي** · 08/08/06, (01:30 AM)

صح السانك ولسان شاعرها
قصيده روووووعه
كلك ذوووق يا الغلا

دمــت بــود