قصيده حزينه - °~*¤®§(§ شبـــكة ويــلان العـربـيـه §)§®¤*~ˆ°

**ابوعيسى** · 07/07/06, (04:04 PM)

وين انت ياحمدان امك تناديك
وراك ماتسمع شكايا وندايا
يامسندي قلبي على الدوم يطريك
ماغبت عن عيني وطيفك سمايا
هذي ثلاث سنين والعين تبكيك
ماشفت زولك زاير ياضنايا
تذكر حياتي يوم اشيلك واداريك
والاعبك دايم وتمشي ورايا
ترقد على صوتي وحضني يدفيك
ماغيرك احد ساكن في حشايا
وليا مرضت اسهر بقربك واداريك
ماذوق طعم النوم صبح ومسايا
ياما عطيتك من حناني وبعطيك
كبر وتكبر با لامل يامنايا
لكن خساره بعتني اليوم وشفيك
وخلصت للزوجه وانالي شقايا
انا ادري انها قاسيه ماتخليك

قالت عجوزك مابيها معايا
خليتني وسط المصحه وانا رجيك
هذا جزا المعروف وهذا جزايا
ياليتني خدامه بين ايديك
من شان اشوفك كل يوم برضايا
مشكور ياولدي وتشكر مساعيك
ودعي لك الله دايم بالهدايا
حمدان باحمدان امك توصيك
اخاف من تلحق تشوف الوصايا
اوصيت دكتور المصحه بيعطيك
رسالتي وحروفها من بكايا
وأن مت لا تبخل على بدعاويك
وطلب لي الغفران وهذا رجايا
ومطر تراب القبر بدموع عينيك
ماعد ينفعك الندم والنعايا

**فاضي عبدالعزيز** · 07/07/06, (07:18 PM)

اللهم اصلحنا واصلح لنا يارب العالمين

ابو عيسي الله يعطيك العافيه

وصح لسان القايل

**عايد عوض** · 08/07/06, (12:22 AM)

الله هم اهدي قلب ابنها الا الصواب

وصح السان قايلها

**مشاعر حالمه** · 09/07/06, (01:02 PM)

ابو عيسى ..

ارحب يالقرم ..

الف شكر لك ع النقل الحزين ..

والله يهدي الشباب اللي عاق في والديه وفيه أمل انه يصل فيهم ..

اما اللي ماتوا امه وابوه من القهر الله ياخذ عمره معهم...

تحيتي لك / مشاعر حالمه ..

**سلمان الردسا** · 09/07/06, (09:03 PM)

اقتباس:

المشاركة الأصلية كتبت بواسطة ابوعيسى

وين انت ياحمدان امك تناديك
وراك ماتسمع شكايا وندايا
يامسندي قلبي على الدوم يطريك
ماغبت عن عيني وطيفك سمايا
هذي ثلاث سنين والعين تبكيك
ماشفت زولك زاير ياضنايا
تذكر حياتي يوم اشيلك واداريك
والاعبك دايم وتمشي ورايا
ترقد على صوتي وحضني يدفيك
ماغيرك احد ساكن في حشايا
وليا مرضت اسهر بقربك واداريك
ماذوق طعم النوم صبح ومسايا
ياما عطيتك من حناني وبعطيك
كبر وتكبر با لامل يامنايا
لكن خساره بعتني اليوم وشفيك
وخلصت للزوجه وانالي شقايا
انا ادري انها قاسيه ماتخليك

قالت عجوزك مابيها معايا
خليتني وسط المصحه وانا رجيك
هذا جزا المعروف وهذا جزايا
ياليتني خدامه بين ايديك
من شان اشوفك كل يوم برضايا
مشكور ياولدي وتشكر مساعيك
ودعي لك الله دايم بالهدايا
حمدان باحمدان امك توصيك
اخاف من تلحق تشوف الوصايا
اوصيت دكتور المصحه بيعطيك
رسالتي وحروفها من بكايا
وأن مت لا تبخل على بدعاويك
وطلب لي الغفران وهذا رجايا
ومطر تراب القبر بدموع عينيك
ماعد ينفعك الندم والنعايا

الاخ ابو عيسى

قصيده جميله

والله لايجيب الحزن

صح لسان القائل

وتقبل تحيات اخوك سلمان 000000000