قال أنتبه باقي على شفتك روج

[بعيدالهقاوي]

ياعين من حطيت عيني بعينه=وابطيت واقف في بحر عينها موج
ابحرت في عينه بليا سفينه=سجيت فيها لين ضيعني الموج
حاولت الد الشوف عما يهينه=ولاانتبهت الا وانا فيه ملبوج
شفت الفتن في ملتقى حاجبينه=والسحر في عينه مع الزين مدموج
اسود سواده لابسته السكينه=وابيض بياضه طايش اللون مرجوج
زاويه طرف ٍ حاجز ٍ دمعتينه=لولاه كان الخد بالكحل ممزوج
كاسيه رمش ٍ زاد ملحه وزينه=من فوق متكحل ومن تحت مدعوج
بين الرموش السود شفت الغبينه=واللي رماه الرمش ماعاد له بوج
مرت ثواني من حياتي ثمينه=وانا اتهادى بين الاشواق وأدوج
مرت وانا قابض على راحتينه=واقف مقابل له وساهي ومدلوج
مدري وش اللي صار بيني وبينه=والقلب ماردنه ضلوعي العوج
ولا انتبهت الا بسحبة يدينه=قال انت تبغى الناس تلحقني هروج
قلت اعذر اللي شافك الله يعينه=يبطي ودمعه بعد فرقاك مزعوج
عينك بنظرات الغلا مستهينه=قال الغلا في داخل القلب منسوج
قلت الوعد قال ايه كلش بحينه=الله يفتح لك من الضيقه فجوج
قلت آآه طيب شف لي الدرب وينه=قال انتبه باقي على شفتك روج

[عبدالله عايد]

السلام عليكم

صح لسانك ولسان الشاعر

قلت آه طيب شف لي الدرب وينة ..... قال انتبه باقي علىشفتك روج <======< يخرب بيته يعني وش سو؟!!

ههههههههههههههههههههههههااااااااااى

اما عني انا والله مااعرف الشاعر واول مرة اقراء القصيدة

ويعطيط الف عافيها عليها

لاهنت

[مزيد المزيد]

الله الله



روووووووووووووعه وفعل" قصيده تجبرك ان تبحث عن شااعرها


بعيد الهقااااااوي



سلمت يمينك وصح لساان شاعرها

ودايم ذووووووووووووووووق


دمت بخير

[ابو رزان]

بسم الله الرحمن الرحيم

الاخ الشاعر بعيد الهقاوي

صح لسانك ولا هنت ,,,,,,,, قصيدة رائعة ,,,,,,,,,,,, تقرائها وكانك تعيشها


قلت الوعد قال ايـه كلـش بحينـه ....................... الله يفتح لك مـن الضيقـه فجـوج


الله كريم


دمت ودام تواصلك


اخوك ابو رزان

[بعيدالهقاوي]

اخوي دهام

شكرا على مرورك

ودمت بخير

[بعيدالهقاوي]

الغالي

مزيد المزيد

اسعدني مرورك الكريم

دمت بخير

[بعيدالهقاوي]

اخوي

ابو رزان

شكرا لك على طيب المرور

ودمت بوووووووووود