لك فز قلبي فزة ٍ تسبق الصوت مصافحه اولى

[مشاري بن جلوي]

السلام عليكم ورحمة الله وبركاته اتمنا الجميع بخير وبصحه وعافيه سعيد بنظمامي لكم في هذا الصرح الشامخ وأشكر اخوي قلم مجنون على الدعوه , وهذي مشاركه بسيطه مني اتمنا لها القبول

لك فز قلبي فزة ٍ تسبـق الصـوت=وأسرع من الصاروخ حزة مطيـره
عليك يالي حاملَ سحـر هـاروت=يستاذ كل الزيـن مـدري مديـره
طاغي جمال وفالبها صرت طاغوت=ولو القمر يختـار حطـك عشيـره
ولك وجنتين من الخجل كنها تـوت=ولك نظرةً تاسـر جمـوعً غفيـره
وانـا لقيتـك سايـحً يـم بيـروت=وساعة صدفتك ولعة بـي سعيـره
يالي ارتجفتي برد ياليتنـي كـوت=ماتدفي البـردان شمـس الظهيـره
راحت تمشى تبتسم راكبـه حـوت=ولي انظرة بالعيـن نظـره اخيـره
راحت وخلتني على سكة المـوت=والحال والله مـن بعدهـا خطيـره
حبه بقلبي بالحشـا لاتنـي لـوت=وأشد من اعصـار ريتـا صفيـره
من يملكك كنه ملك تذكرت شـوت=أو كن بنك الراجحي هـو خشيـره
ودي معك والناس ناحت ومنحـوت=بس ان شف القلـب دايـم لغيـره
ومن عادتي مندم ولو فاتني فـوت=حتيش لو صارت دموعي غزيـره
مايطرد المقفي سوا شخص هلفوت=وبعض المفارق ياعرب فيه خيـره

[فاضي عبدالعزيز]

الشاعر//مشاري بن جلوي



الله



الله




الله


الله عليك اخوي مشاري


صح السانك الرائعه حق الرائعه



تحياتي

[سندريلا]

مشاري بن جلوي

لله درررررررررررررررك ياعذب


قصيدة راااائعه بحق


وشاعريه راقيه باصالة شاعرها


لك الاعجاب والاحترام

ودمت بالف خير


اختك عنزيه

[محمد المقبل]

الف شكر لقلم مجنون على دعوتك

وشكراً لك على قبول الدعوه وحياك الله يامشاري بين قلوباً تنبض بصدق المشاعر

الاخويه الصادقه

وصح لسانك على هذه القصيد ه التي تعبر عن الاحساس الشعر الممثل بالجزاله

دمت ودام تواصلك العذب

تقبل تحياتي

[عبدالله الثابت]

مشاري بن جلوي



صح لسانك



مصافحه رائعه



ونتمنى تواصلك



وتقبل تحياتي

[صبار العنزي]

تدوين اعجاب بالشاعر والشعر
وجزالة مافيه من صور شعرية

	ومن عادتي مندم ولو فاتني فـوت حتيش لو صارت دموعي غزيـره مايطرد المقفي سوا شخص هلفوت وبعض المفارق ياعرب فيه خيـره

[تركي صالح]

الاخ / مشاري بن جلوي

اهلاً وسهلاً بك وأنه لشرف لنا أنظمامك ألينا

ومواكبتنا هذا الركب الذي أسعده وأفرحه تواجدك البهي

وألف شكر للاخ القدير / قلم مجنون

على دعوته لك وكم سعدنا بهذا الانظمام

وصح لسانك مليوون يالغالي

على هذه الرائعه اللتي سمت بروعة كاتبها

وجمالها الى أرقى مراتب الاعجاب والجمال

بجميع مقوماتها الساحره

دمت وسلمت ودام صفاء طرحك الراقي

وتقبل فائق التقدير والاحترام

ولا تحرمنا من مشاركاتك الرائعه