قالوا علامك ماتجي للأمارات = فيها الوظايف والفلوس الكثيره
في دار زايد مكون المستحيلات = اللي على شعبه نثر كل خيره
يسد دينك والمبالغ بشيكات = ويعطيك فله وباالعيادي بريره
وترتاح من كثر العنا والكسافات = الفقر عاثيبك وحالك مريره
قلت ونعم في كاسبين الجمالات = اللي لهم في طاري الخير سيره
لكن انا ماني برجال جارات = من غير بنت العم مابغى عشيره
هى ابلدي دار الشيم والمروات = فقري بها ولاغناتي بغيره
والفقر ماهو عيب لاتصير شمات = والرجل تمره ظروفٌ حسيره
واسمع نداكم لي واتجيني اصوات = لكن وطني مابدله بي ديره
عندي حصاها ينوزن باالجنيهات = حجر من الخنفه يساوالفجيره
وحكام داري هم هل الخير باالذات = اللي احكموا باالشرع شبه الجزيره
هم عزنا لاصار باالوقت ميلات = هم نورنا هم القمار المنيره
ارفع بهم راسي على كل هامات = واعبى لسمعتهم اسرارٍ غزيره
اولاد من ذلل جميع الصعوبات = باالخير للاسلام قاد المسيره
وعنهم ادافع لوتطول الجدالات = لومادروا عني بخاف السريره
وادق خشم اللي يسوي دعايات = يفور دمي غصب لدارغيره
بلادي واهلها هم هلي والجماعات = عنها اتصدى للمور الخطيره
وانصحك يامروج لبعض الاشاعات = خالف هوى نفسك تراها شريره
وطنك مثل امك حقوقه كبيرات = وعقوقها عليك ذنب ومعيره
وانا بلدي مابيعها باالملذات = انا ولدها بالسنين العسيره
ابيع روحي لجلها وأرخص الذات = ولاطيع زيف اهل النفوس الحقيره
ولاني بهلفوتٌ مفرغ شباعات = كلبٌ قبل يشبع نبح في حجيره
وجوازي الاخضر يساوي دويلات = به طبعتً يازينها مستديره
سيفين مع نخله بها مستقيمات = والتوصيه من الملك بتعبيره
انا سعودي واعلمي فيه آيات = علمي الملك جبريل رافق سفيره
الشاعر الرائع / محمد معتق العنزي
لقد قدمت لنا هذه الرائعه اللتي نعجز أن نوفيها حقها بكلمات الشكر
تقديراً لها ولجمالها الرائع ولقوة أبياتها ومعانيها الجذابه
ولا أدري ماذا أقول أو أكتب وماذا تستحق وما هي الكلمه أو الكلمات اللتي توفيها حقها
وتوفي شاعرها المبدع وتعطيه كامل الحق والشكر على ماقدمة لنا في هذه الرائعه
وما جسده لنا من وطنية مخلصة وحبً للوطن بكل معاني الحب والعرفان الخالص الصادق
الذي ينبع من قلب المواطن المحب لوطنه من صميم قلبه
لقد جسدت لنا فيه هذ الرائعه كلماتً تسمو بنا وتعلو بمفرداتها ومعانيها
الى قمة الابداع والفخر
فكل كلمةً قلتها وكل حرفً كتبته وكل معنى رسمته لنا هو الابداع بعينه
فلك جزيل الشكر والامتنان على هذه الرائعه
وصح لسانك وسلم بنانك ودمت سالمً وغانمً لنا
وتقبل فائق التقدير والاحترام
13/02/06, (02:01 AM)
قالوا علامك ماتجي للأ مارات@فيها الوظايف والفلوس الكثيره
العرض العادي
