20/01/06, (02:43 PM)
|
المشاركة رقم: 1
|
| المعلومات |
| الكاتب: |
|
| اللقب: |
عضو نشيط جدا |
| البيانات |
| التسجيل: |
11/06/05 |
| العضوية: |
263 |
| الدولة: |
ويلان في كل الديار انتشرنا |
| المشاركات: |
424 |
| بمعدل : |
0.06 يوميا |
| معدل التقييم: |
60 |
| نقاط التقييم: |
50 |
 |
| الإتصالات |
| الحالة: |
|
| وسائل الإتصال: |
|
|
المنتدى :
منتدي الشعراء
مذّكرات طالب ولا زالت ...
سلام عليكم
ومسيتم بالخير جميع ،،، كبيركم وصغيركم
واذرونا عن الغيبه وعلى ماقيل الغايب عذره معه
وعاد ماندري يقولون من طوّل الغيبات جاب الغنايم مدري عاد هالقصيدة تبي تصير غنيمه والا غيره...ولو انها مبطية وانا متوقعن حذفتها....
وتسان انها جازت لكم مهنا خلاف وتسانها ماجازت ماناقصن شي
وسهود وامهود تسان بغيتم ذي والا ذي
والوضع عندي very easy
والحمدلله ماطفيت وخصيت ماعميت ،،،،
كــلــية الــفــلـس ياكــلية المعــــــلمـين=عــزالله مــابـك غيـر نـقـص ٍ ونقصـان
تعـلـيـم كــلـه فــــاشــــل ٍ بالــمـــوازين=غبـّة بـحــرغـاشــيه بالــزود طــــوفان
جـدارهــا اللــي كــــنه جــــدار بــرلـين=والمبــنـى اللـي مـشــلّـع ٍ دون بـيــبان
تلقــــا بــها ظــلم ٍ عـلـى غــير تقــنين=بيـــن التســلـط والـتـــكبـر والامــهــان
نـظـــامــهـا تــلـقــى حـــلـــيّه ابّـكـــّـين=والا كـــمـا قــانــون قــيـصـر ورومــان
بـهـا الاداره لاهـــــيه مــــابهـــا شــيـن=والا القـبــول اللـي تــقـل بـــاب دكـــان
في زحمــــــته كـنـه يــــوزع مـــلايـين=ويعـطي مــواعـيد ٍعــلى غــير سيـسان
والا الـشــــؤون اللي يكــيـل بـمـكـالـين =وتـلـقى أعــذراه بــس لـفــلان وفـــلان
واللي لفـاها حـايز الـغـــــــم والــبــــين=خـال ٍ جنــابه بـس يــوعـي بـها الجـان
ماتشـوف غــيــره عـــامـل من الفـلبين=والا الـهـنــدي يــوزّع أوراق الاعـــلان
الصاحـي بهـا يـعــدّ ضــمـن المـجـانين=مــايــدري انــه تــــايـه ٍ وســــط ديّـــان
الله يـعـــز الـلي بـــنــوها مـــن سـنـيـن=آل السعــود اللـي من صمـاصـيم ويلان
مار البـــلا نــاس ٍ ســــوات الشــياطين=مسـفّــهن والكــــل يشـــــلاه شـيـطــان
بــهـا البــلا يــوم ٍ لــفـــوها حـســودين=متشتـــتيـن كــلـن عـلى ديـــن وأديــان
نـــوب ٍ شـمــــال يــم هــتـــلر ولـيــنين=ونـوب ٍ جـنــوب تتـجه صـوب نجــران
دكاتــره والفـعــل شــين ٍ عــلى شــــين=من دوننـــا حطـوا حـــواجـز ونـيـشـان
فعل الخــساســه عـندهــم زود مـتـرين=وعـلـى اللعانه حايــزيـنن خـــبـر كـــان
يجــيـــك يشـــرح لـك يعـــدّ القـــوانين=وبـيـميــنه كـتــابه يـــراعي لــه اقــنان
امــلاء كـــله امــلاء مـــاهي تـخــامين=ولـيـا نصـحـته تصبـح اليـــوم نــدمــان
بدفيتـره يســــــجّلك ويـحـــط إكـــسين=هــذا جــزاك ان كــان تبغـــاله احــسان
انصحك جــنّب خــــل بعــض الـــرديين=بالـذات واحــد قــاطع ٍ سبـــع الاكـــوان
تشوف العــنا والبـــهذلـه والتـــــلاعين=وتشـــوف منــهم كـــل عـيـب ٍ بوكـدان
واحـذرك لاتـنـغـرّ لو هرجــــهــم زيـن=القــلـب أســـود كـــنه ألــوان غــربــان
قلــوبهــم لــو شــــفت قــلوب البعارين=الحـقـد وسـطـه مـالي ٍ خمـسـة أطنـان
لافــاهمـنٍ منــهج ولا فـــاهــمن شـــين=بيميـنه مـلخـّــص مصـــوّر مــن أزمان
ماعـــرف قدره وزود متـكـبر شــــوين=وليـا عـطـــاك يمــنّــهـا كـــل الاحـــيان
الشرح مــهنا شــرحــه كــله عنـــاوين=يعطـــيك بعــض المسـاله تقــل فهــمان
أقولهــا ولا عـــم بـعـــض المــخلصين=اللي مـن ربه خـــايف ٍ قـــدر الامــكـان
خصيت ماعــميت بعـــــض المـريضين=اللي ركــبـه ابـلــيس حـطـه لـه حصـان
أمـا رفــيـق الحــق لـو كــان مـن ويــن=نجــزاه بـطــيبـه دوم شـكــر ٍ وعـرفـان
راع الامانه دوم يمـــــشي على الـــدين=يخــــاف يـــوم فــيــه جـــنــة ونيـــران
والساقــط اللي مـاحــســب للجــــزائين=له يـــــوم يـمــرح بـيـــن دود ٍ وديبــان
لـه يــوم يـلـقى كـل صـــدق البــراهين=مــايفـــيد لـــو يـحــلف بــكل الأيــمــان
القــلــب ويّا الــــيد والـــرجل والـعـــين=الكــل يــشـهـــد دون زود ٍ ونـقــصــان
ماهي سوالــف كذب بعـــض الديــاوين=لاجـــاء تـربــّع زيّــن الشــيـن بـاتـقـان
ولاهــي اختـــبــارات ٍ تحــطه مسـاكين=ولاهـي درجــاتٍ تــوزّن بــهـا اعــيــان
ذاك الصـمــــال وعـنــد رب العـــالمـين=الـواحــد عـنـــده كل شـــي ٍ بـميــزان
رب المـلا خــــلاق الانســـان مــن طين=سبحـانه رفــاع السمـــاء دون عــمدان
تم الجــواب اللـي نظــمتـه عـلـى ايـــن=أبيــــات مــني مــنـظّــمـيــنه عــلى آن
وقافي حســبته تم عــشـــرين بـاثــنـين=وختــامـها صــلــوا عـلى نســل عـدنان
وسلامتكم
| توقيع : المسيكي |
|
[poem font="Arial,6,darkblue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
كن سائراً في ذا الزمان بسيره=وعن الورى كن راهباّ في ديره
واغسل يديك من الزمان وأهله=واحذر مودتهم تنل من خيره
إني اطلعت فلم أجد لي صاحباً=أصحبه في الدهر ولا في غيره
فتركت أسفلهم لكثرة شره=وتركت اعلاهم لقلة خيره
[/poem] |
|
|
|
العرض العادي
