فزعة للشاعر ياسر التويجري

[عبدالله المعزي]

الجميع سمع او قراء قصيدة الشاعر المبدع ياسر التويجري بخصوص قيادة المراءة للسيارة ورده على ال زلفة وكانت من اروع القصائد وقد أستضافته مذيعة برنامج دانات ( نجاح المساعيد ) وسألته بشكل عام عن الشعر النبطي في الجزيره العربية وقال انا احب شعر الشمال ونجد وسألته عن شعراء الجنوب وبكل صراحه قال لااعرفهم ولم يسب احد او ينتقص من قدر احد والكن الشاعر ( محمد بن حوقان المالكي ) أختلق هذاء الموضوع لمحاولة الاحتكاك بهذا الشاعر وهذا رده على الشاعر ياسر التويجري 00

ياسر اسكت واقضب ارضك جعل ابوك الجنة=القصايـد فـن ماهـي هرطـقـة ورعـانـي
والتسلـق عالكبـار اكبـر دمــار لانــه =يفـقـد الـرجـال مصداقـيـة الشجعـانـي
هالقضيـة مـن زمـان وحبلـهـا يلـونـه =مـا سمعنـا منـك راي يـنـور الحيـرانـي
عنصريتـك البغيضـة واضحـة ومصـنـة=كلمتـك مضمونهـا يغنـي عـن العنـوانـي
اولا كفـرت مسلـم كــل ذنـبـه انــه=جــا يـقــدم راي لازود ولا نقـصـانـي
ذنبـه انـه مالجنـوب وكلمـتـه منسـنـة=يـوم يسمعهـا الغشيـم يـقـول ذا يعنـانـي
رح ودور غيرهـا مالـك بـهـذي حـنـه =منـت لاعبهـا علـى فرعـون يـا هامانـي
السعودييـن اصـل وفصـل تـدري عـنـه=فيهـم النخـوة وفعـل الطيـب والسمحانـي
قـال عنـا مجرميـن الله يخـيـب ضـنـه=والله انـا احفـاد ابوبكـر وعلـي وعثمانـي
والسعـودي ينقتـل دون الـشـرف لكـنـه=مـا يخـون الامنيـن ويفـجـع الجيـرانـي
والـذي مجنـون جبنـا مـن يـداوي جنـه=والمهبـل بــي نواجهـهـم بعـلـم ثـانـي
وانـت مثلـك لا يمثلـنـا ولا لــه مـنـه=ما يفـرق بيـن نصـراوي مـن النصرانـي
مملكتنـا شامخـة بالـعـز يـابـن هـنـه=ليتك تعض شحمـة يافـلان يـا ابـن فلانـي
رح لـدراك قبلمـا مـوج البحـر ياطـنـه=تدري انـه فـي مهـب الريـح والخسرانـي
دارنا فـي ضـل شيـخ يـوم ياقـف كنـه=مـن جبـال طويـق والا هضبـة الصمانـي
دار ابـو متعـب وهـو منـا وحنـا مـنـه=وش لنـا بالجاهـل المتغطـرس الغلطـانـي
وانـت واشكالـك دعـاة الانحـلال وفـنـه=شعركـم ماجـن وظاهـر قولكـم عصيانـي
اللـي يشوفـك تطامـر قـال ذا وش كنـه=مطلقينـه مـن شهـار ولا يــزال يعـانـي
لا تغـش النـاس ثــم تحسبـهـا ممتـنـه=وانـت حلـو لسـان لكنـك قليـل احسانـي

هذا ياسر جعل ابـوه الجنـه=يالله انه مايجـي النيارانـي
نبـع فكـره شلفتـاً منسنـه=او مدافـع صنعهـا المـانـي
قـال شاعـر ودلالـه سنـه=منكسر من سطوتـه بالجانـي
ماكتب شعره غـرام او حنـه=ميتـاً بالحـب او هيمـانـي
شوق قلبه صوت نجر او بنـه=وحراً اشقـر لقبـه فرحانـي
صوط نـار يعقـل المنجنـه=ال زلفـة او ابـن حوقانـي
ماتعيبـة قولتـك بـن هنـه=وايلي غصباً عـن الزعلانـي
ابك هذا مـا لنـا بـه منـه=لـو يفزعنـا نجـي عميانـي
انكـر المنكـر بشعـره لنـه=من هـل التوحيـد والقرانـي
ولاتقـارن مستـواك بفـنـه=يامحمـد اذكـر الرحمـانـي
حـد مثلـك دندنـه منـدنـه=او يلالـه تنعـش الطربانـي
لاتكلـم بالجـنـوب اوكـنـه=دولتاًاخـرى لهـا سكـانـي
ذا بلدنـا والعساكـر مـنـه=رجال حرب وصفوة الشجعاني
شف غلاهم بالقلـوب انكنـه=والكرم فيهم غـدى عنوانـي
منهـم شيوخاًتحـب السـنـه=عايض القرني مع الزهرانـي
يمكن انك منقهـر منـه انـه=طرب الترفه بزيـن الحانـي
الفضـاء فاتـح ولابـه منـه=وفسر اكمامك عن الذرعانـي
قـال رايـه ياكثيـر الزنـة=وماتجـاوزاو ذكـر أنسانـي
كل عصيدة وشرب من الشنه=ولاتحـاول تنطـح الويلانـي

[/poem][/poem]

[نفاع العنزي]

الغالي عبد الله


شكرا لعذوبة ما كتبت ولكن :


كل أملي أن لا يكون في هذا المنتدي الأدبي الراقي مهاترات قد تفضي إلى الحزازيات الممقوته

[عبدالله المعزي]

الاخ نفاع العنزي

مرور ممتاز وتعليق جيد

[فهد معزي]

عبدالله المعزي

انا شاهدت برنامج نجاح المساعيد والتي استاضفت

فيه الشاعر الكبير ياسر التويجري

انا لاأرى ان يااسر التويجري قال كلام فيه تجريح للغير

قال انا احب شعر الشمال ونجد ولم يسمع لشعر اهل الجنوب

واهل الجنوب فيهم شعراء كبار لهم وزنهم في مجال الشعر

وصح لسانك على هذا القصيده الاكثر من رائعه اخوي عبدالله

اما الرد اتركه للشعراء الموجودين في منتديات شبكة ويلان

ودمتم سالمين

[عيد الوايلي]

الغالي عبد الله


شكرا لعذوبة ما كتبت ولكن :


كل أملي أن لا يكون في هذا المنتدي الأدبي الراقي مهاترات قد تفضي إلى الحزازيات الممقوته

أتفق مع اخوي نفاع

تقبل تحياتي

[عبدالله المعزي]

الاخ فهد معزي

الاخ عيد الوايلي


تحية مقرونه بريح الاصاله والمرجله التي تنبع منكم يأاعزاي في هذا الصرح العملاق لي كل الفخر بمروركم العذب على الرد السابق

اخوي (عيد الوايلي) لم نقصد الهجوم على احد او انتقاص احد ولا نريد لهذا المنتدى ان يكون كما ذكرت ولكن هو متنفسنا للرد على مثل هذه التجاوزات وانا لم ارد الى من باب المشاركه للاخ ياسر التويجري الذي يعتزي (بالوايلية ) في اكثر من قصيدة ومناسبة ومروركم على العين والراس ورايكم عندي في المقام الاول 00تقبلو تحياتي


عبد الله المعزي

[عبدالله ثويني المانع]

الأخ الفاضل / عبدالله المعزي

كفــــــــــو يا بعد راسي وصــح لســانك ملايين

ورد في محله ولا أرى فيه مهاترات , فأنت مدحت أهل الجنوب بما هم أهل له

ودافعت عن ياسر بما يستحقه لأنه قال كلمة حق فسروها كما شاؤا

ويمكن بن حوقان أراد الظهور على حساب ياسر وهذه الطريقه مكشوفة

تعيش يا بو عابد وربي رائعه