وش بقى لباكر

[ابو رزان]

بسم اللة الرحمن الرحيم

السادة القراء هذة مصافحتي الثانية ارجو ان تنال استحسانكم...............

سريت البارحة يمك لقيتك غير ذاك اليوم=لقيتك فتنتن زادت وسحرٍ ماوقف حدة
وقفت انظر تقل غافي تقل صاحي تقل منجوم=نشدتيني عن علومي وضيعت الحكي وردة
بهرني فيك ماشفتة رسومٍ مابعدها رسوم=جديد الزين من قسمك وباقي البيض من جردة
هلا واغلا هلا من الخافق اللي منشغل بك دوم=نزع لك ثم هديتة وهد وهي هك الهدة
الوح لة على المرجاع وعيا واعتلا بالحوم=يقول ان ماقضيت العمر معها مابغي الردة
امني نفسي بقربك وشوقي غصب عني يزوم=اذا قلت الوعد باكر يصيح بحيل ماودة
يقول تقول لي باكر وانا ابغاها قبل ماتقوم=تحسب ان باكر قريب الا ياطولها مدة
وهذي حالتي من يوم شفتك لين هذا اليوم=احسب وش بقى لباكر وشوقي ماوقف حدة

اخوكم ابو رزان

[موسى المشعان]

الاخ ابو رزان

صح السانك يا لغالي


يسعدني اني اول من صا فحها

تقبل تحيا تي

[محمد المقبل]

وقفت انظر تقل غافي تقل صاحي تقل منجـوم=نشدتينـي عـن علومـي وضيعـت الحكـي وردة
بهرنـي فيـك ماشفتـة رسـومٍ مابعدهـا رســوم=جديد الزين من قسمك وباقي البيض من جردة
هلا واغلا هلا من الخافق اللي منشغل بك دوم=نـزع لـك ثـم هديتـة وهــد وهــي هــك الـهـدة

الرائع ابو رزان اسعدني رؤية حروفك الرائعه

صح لسانك وسلم بنانك اخي الفاضل تقبل تحياتي ولك مني كل الود والاحترام

[ابو رزان]

الاخوان الفاضلان موسى المشعان و محمد المقبل

ياهلا فيكم وانا سعيد بمروركم الكريم واتمنى ان اكون حصلت على اعجابكم لانة مصدر فخر كبير لي .


ودمتم


اخوكم ابو رزان

[ماجد الوايلي]

وهذي حالتي مـن يـوم شفتـك ليـن هـذا اليـوم //////احسب وش بقى لباكـر وشوقـي ماوقـف حـدة

ابو رزان ....

صح لسااانك مليون ولايكفووووون .... ولالاهنت

رااائعه .. شامخه ... قمة الجمال ... تلك المصافحه ...

ننتظرك يالبناخي

دمت بصحه وعاافيه

[ابو رزان]

بسم الله الرحمن الرحيم

الاخ الغالي ماجد الوايلي

شكرا لمرورك واتمنى ان يكون القادم اجمل


اخوك ابو رزان

[مصلح النشمي]

.



الله الله الله على هالابداع يابورزان


صح لساااانك ملياااار


ابداع وربي ابداع


لاتحرمنا من مزيد من الابداع


اعجابي هنا



تحياتي لك