" كــلّ ٍ يــشمّـــر دون حـقـّه يمــيــنه "... - °~*¤®§(§ شبـــكة ويــلان العـربـيـه §)§®¤*~ˆ°

**المسيكي** · 07/01/06, (01:23 AM)

السلام عليكم ورحمة الله،،،،

.................................................. .............................................

يالله ياللي منزل الحق بكتاب=ونجّيت نوح من الغرق بالسفينه
اسألك تهلك كل طاغي ومرتاب=واهل القلوب الفاسدة والضغينه
وتعز عز ٍ فيه للعز مجذاب=وتخذل نوايا مرجف ٍ مع عوينه
وتبين نور الحق في كل محراب=ويحل شرعك ياآلهي بيقينه
عشنا وشفنا ووقتنا فيه الأعجاب=شفنا الرذايل والأمور المشينه
شي ٍ يهول ياملا فيه الأغراب=أمور منها الحر يندا جبينه
اعراض راحت ياملا ويش الأسباب=ومن عقب هذا ندّعي منكرينه
قول ٍ ووقول وقايل الهرج كذاب=وش عاد ينفع دامنا شاجبينه
ننكر وحنا يكضّنا الناب والناب=ومنه الرجا من مبطي ٍ قاطعينه
مثل الغنم صرنا على كل معزاب=الذيب ياتي وننتكس سارحينه
كل ٍ يصد ويدّعي لين ينجاب=حتى يتجرّع ويلها والغبينه
ياما يولّي بمرّها يطيح منصاب=ياتيه دوره وبالخزا صايبينه
الدين قلّ وراعي الظلم هذّاب=هو ليه ماهو يالملا رادعينه
يفسد ويفعل بالملا كيف ماطاب=محد ايّتكلم وإن قضب مطلقينه
راع الرزاله جاسر اليوم ماهاب=ملعون ساسه كيف محد ٍ يدينه
ومادام حد السيف مغمود بجراب=وشلون تنكل كل نفس ٍ لعينه
ودون العدا يوجد ملاعين وارهاب=والكل منهم يستوي مع خدينه
مافيه فرق ٍ بينهم ياهل الالباب=الشر شر ويجتمع مع قرينه
مايفيد هرج المثمثه ويّا الأشجاب=غير الطغى تزيد معنا اسنينه
ويلعنك ياوضع ٍ بك الخزي ينساب=ملموس يلقى بكل دار ومدينه
ويلعن حياة ٍ كل ذلّ واهزاب=مادام راع الجرم تجرم يدينه
نشوم عنها ونتّبع درب الأطياب=وكل ٍ يشمّر دون حقه يمينه
ماهي دعاوي وننتظر كل ندّاب=الموت واحد والملا ذايقينه
واعرف ترى محد ٍ بحالك بالأنشاب=لاصار ماتفتكّ نفسك مهينه
الحر حر ويرتكز فوق مرقاب=وضرغام محد ٍ يقترب من عرينه
هذا الصمال ولاني بحال عقّاب=ومن هازنا بالحال نقطع وتينه
عشنا بمعزة ودربها يفتح أبواب=والا المهونه وبابها قافلينه

وسلامتكم ،،،،،،،،،،،،،

فهد عبدالعزيز العنزي

**مشاعر حالمه** · 07/01/06, (02:53 PM)

اقتباس:

عشنا وشفنا ووقتنا فيه الأعجـاب**شفنا الرذايل والأمـور المشينـه
شي ٍ يهول ياملا فيـه الأغـراب**أمور منهـا الحـر ينـدا جبينـه
اعراض راحت ياملا ويش الأسباب **ومن عقب هـذا ندّعـي منكرينـه
قول ٍ ووقول وقايل الهرج كـذاب**وش عاد ينفـع دامنـا شاجبينـه

الله يستر على عبيده ... الدنيا غدت رخوه ..والسبب قّل الدين ..

فهد المسيكي ..

صح لسانك يالقرم ولاهنت ..

تحيتي لك / مشاعر حالمه .

**محمد المقبل** · 08/01/06, (12:49 AM)

الاخ فهد المسيكي

صح لسانك على هذه القصيده الرائعه كاعادتك من أبداع في أبداع

أخوي فهد أسجل أعجابي بحروفك المميزه لاهنت ودمت رائعاً

لك كل الود

**عبدالله ثويني المانع** · 09/01/06, (11:22 AM)

الأخ / فهــد المسـيكي

صـح لســانك يا القــرم ,, قصــيدة لا تحتــاج الى اشـاده بــقدر ما تحــتاج الى قراءات متأنيـة للــفائدة أولا مما تحـمله من معـاني قيـمه وللمـتعة ثانيــا لجـمال صياغتها وجزالتها

تقبل خالص الود وأرق التحايا ,, دمت بخير أيها المبدع

**العقرب** · 10/01/06, (02:32 PM)

[b]وقفة اعجاب

الله يوفقك

.

**المسيكي** · 21/01/06, (09:39 PM)

نتمنى من المشرفين تعديل البيتين التاليين :

الدين قل وراعي الظلم هذاب= هو ليه ماهو بالملا رادعينه

بدل الياء باء في كلمة "يالملا"

والثاني

ويلعن حياة كلها ذل واهزاب=مادام راع الجرم تجرم يدينه

بدل "كل" كلها وهي الصحيح

**المسيكي** · 21/01/06, (09:40 PM)

صح بدنك اختي مشاعر حالمه

ولاهنتي على المرور

تقبلي اجنل تحية