(عوافي)

[خلف سليمان البجيدي]

ألله هو اللي يعلم الجهر والغيب=محدٍ يبّدل جزلهن بالصخافي
خذيت بالدنيا كثير التجاريب=وكان أتعضت وتبت مامن أخلافي
والله يالولا ربعنا والمعازيب=وليتضح روح المثل شي كافي
لتنصاك مني كنها الفّطر الشيب=واحط بالميزان قافك وقافي
وّني لبين كلمةٍ مابها عيب=يصحي بها اللي غط بالنوم غافي
لاشك خوفي لاتنوش العراقيب=ويلقى علي راع النميمه هوافي
هبّيت ياوقتٍ خذا النفس ترغيب=واليوم خلانا نذب الفيافي
ياكم في صدري وقلبي لواهيب=ولاهو على راع الثمان الرهافي
على زمانٍ غرني بالمواجيب=لين أختلف خافي خلف بختلافي
وعزالله أني قلت لي بيتٍ أمصيب=ومن خلقت الدنيا والجواد تافي
ياشفت من جور الدهر شيٍ امريب=للي اتعرفه لاتخفي خوافي
ون كثرة البل عودو ياهل الطيب=ترى النتيجه والنهايه عوافي
قصدت ماقصدي وراها مطاليب=لو أرخص القيفان ماني بحافي

وتقبلو تحياتي

[عبدالله عايد]

السلام عليكم

يعطيك الف عافيه

وتشرفت اني اول واحد يستمتع بجزالة الشعر

صح لسانك يا اخوي خلف ولا هنت

[تركي صالح]

الشاعر / خلف البجيدي

جزاله الكلمة وجراءت الحرف وقوة المعنى تكمن في هذه الرائعه

اللتي تسطر لنا أجمل أبيات المعاناه والحكمة المنفردة بكل ماهو جميلاً ورائع

لله درك على هذه الرائعه اللتي أتحفتنا بها وبالاستمتاع بقراءتها

وصح لسانك على كل كلمه وكل حرف

وتقبل فائق التقدير والاحترام

[محمد المقبل]

ألله هو اللي يعلم الجهر والغيب=محدٍ يبّدل جزلهن بالصخافي
خذيت بالدنيا كثير التجاريب=وكان أتعضت وتبت مامن أخلافي
والله يالولا ربعنا والمعازيب=وليتضح روح المثل شي كافي
لتنصاك مني كنها الفّطر الشيب=واحط بالميزان قافك وقافي
وّني لبين كلمةٍ مابها عيب=يصحي بها اللي غط بالنوم غافي
لاشك خوفي لاتنوش العراقيب=ويلقى علي راع النميمه هوافي
هبّيت ياوقتٍ خذا النفس ترغيب=واليوم خلانا نذب الفيافي
ياكم في صدري وقلبي لواهيب=ولاهو على راع الثمان الرهافي
على زمانٍ غرني بالمواجيب=لين أختلف خافي خلف بختلافي
وعزالله أني قلت لي بيتٍ أمصيب=ومن خلقت الدنيا والجواد تافي
ياشفت من جور الدهر شيٍ امريب=للي اتعرفه لاتخفي خوافي
ون كثرة البل عودو ياهل الطيب=ترى النتيجه والنهايه عوافي
قصدت ماقصدي وراها مطاليب=لو أرخص القيفان ماني بحافي

شاعرنا خلف البجيدي

كتبت .. فاجدت .. فابدعت .. فاظهر لنا الابداع هذه المعزوفه الرائعة التي أتسمت أبياتها

بالجزالة والحكمة والمفرده القويه.

صح لسانك وسلم بنانك على هذا الابداع

تقبل تحياتي

[خلف كريم]

صح لسانك ياشاعر هل البلها ويعطيك اللة الف عافية علي هذةالقصيدة الجزلة وهذة عوايدك ياابا سليمان
خلف كريم