عيد الكرزمس!!!!!!!!!!!!

[اميرة الحرف]

كثيرا مانسمع ونقرأ في الساحة الشعبية عن قصائد نسائية بنفس رجولي توجه اصابع الاتهام لشاعراتها وتدور الشكوك حول من يكتب لهن أو ان هناك شاعر يتخفى خلف اسم مستعار رقيق..... عايشت هذا الموضوع عن قرب بعد ان كتبت القصيدة اللتي سترونها بعد هذه المقدمه واللتي لمس كل من حولي ذكوريتها .. لاأعلم لماذا بدأت بسرد هذه المقدمة المطولة ولكن ربما آراء من حولي أخافتني عموما اطرح القصيده بين ايديكم ولكم الحكم::::

سلّم على نويل بابا وقلّه= عيد الكرزمس باقيٍ حول شهرين
ولاني مدوّر عيد بشكه وفلّه= مسلم وأعيّد بالسنه بس عيدين
وأعايد الأحباب كلّ محلّه= وأراسل الغالين واللي عزيزين
واللي مقفّي ماني بتابعٍ له= من عادتي ماأطرد سراب المقفين
وان كان بان بصاحبي أي خلّه= أترك له الفرصه مرّه وثنتين
وان زاد خلّه ماني بحاجتلّه= لاجت على الصحبه ربعي كثيرين
ولي صاحبٍ ماحدٍ يجي في محلّه=ولا أبدله لو يجرح القلب جرحين
أدمح له الزلّه وأنظف سجلّه= وأدوّر الأعذار وأظن به زين
ولو جا رفيقي طالبٍ حاجةٍ له= أرخص له عمرٍ مارخصته لغالين

عيوووف

[عبدالله عايد]

السلام عليكم

صح لسانك ياعيوف ويعطيك العافية

قصيدة جميلة

انا اقول القصيدة على موضوع والموضوع ينطرح من بنت او من شاب

ولا تنسب القصيدة للرجال الا بضمائرها غيرة ممكن يتفق الرجال والبنت بنفس الطرح

مرة ثانيه صح لسانك ويعطيك العافية

[محمد المقبل]

الاخت الفاضله الشاعره العيوف

أنتي شاعره عرفناك من خلال قصايدك الرائعه بهذا المنتدى

وهذه القصيده لايختلف عليها أثنان بأنه يعانقها النفس الرجولي وبقوه لكن ربما يكون لها

أسبابها وعندما تحضر الاسباب أعتقد بان الشاعره المتمكنه أمثال العيوف يكون عندها القدره

علي نظم القصيده بطريقه رجوليه وكذلك الشاعر المبدع المتمكن المتابع للاسلوب النسوي

يمكن ان يكتب القصيده بنفس نسوي بدون أن يلاحظ ذالك

أختي العزيزه هذه وجهة نظري وكل وجهة نظر معرضه للخطاء والصواب

صح لسانك وسلمت بنانك على هذا الطرح المميز

ولك مني كل الاحترام والتقدير

[عبدالكريم العنزي]

الشاعره / العيوف

الراااااائعه / العيوف



صح لسانك على هذه القصيده الجميله والراااائعه


قصيده تستحق التمييز




لك التقدير والاحترااااام

[خلف كريم]

صح لسانك ياشاعرتنا غيض من فيض يااخت العيوف
خلف كريم

[مصلح النشمي]

.


اختي العيوف


اولا صح لساااانك مليووون


وعيد الكرسمس طاحوا فيه ربعنا طيحة شر مع ان العيد عيدين لا ثالث لهما..



اختي الغاليه

انا كمتابع وكقارئ لا يهمني من يقف خلف الاسم سواء رجل او امرأه طالما والاهم بالنسبة لي جزالة الكلمه وقوة القاف ومعناه ولا يفكر في الاسم قبل القصيده سوى من ذائقته الشعريه ((ميح))..

واذكر من ثاني قصيده لاسم العيوف انني اتصلت بمزيد وبالحرف الواحد قلت يفترض ان يكتب تحت الاسم ((شاعره)) لانها بالفعل هي كذلك وليست حديثة عهد بالشعر وأهله...

اعود لموضوعي واقول ان الاهم بالنسبة لي كمتلقي هي جزالة القاف والرد يكون حسب اسم صاحبه ان كان مذكرا او مؤنثا وله ان نعامله بالاسم الذي اختاره لنفسه بغث النظر عن جنسه


لا نشكك في شاعريتك وابداعاتك بارك الله فيك ولاتلتفتي للانتقادات او بعض مايدور خلف الكواليس فشعرك هو من يرد عنك ويقدمك لنا ولهم
فلاتحرمينا من ابداعك


تحياتي لك

[اميرة الحرف]

اخي دهام صح بدنك اشكر لك مرورك العذب
ويعطيك العافية

العيوووف