تسلملي هنوف - °~*¤®§(§ شبـــكة ويــلان العـربـيـه §)§®¤*~ˆ°

**ماجدبن منصور{المنسي}** · 14/12/05, (09:43 PM)

كل ماقالوا محبه قلت تسلملي هنوف=وكل ماقالوا خيانه قلت خلي واخبره
ماأبي وقتي يضيع قرّب بعينك وشوف=شوف حالي من عقب فرقاك كيف مدمره
مامعي حكي(ن)كثير وماأظني فيلسوف=والحكي أن زاد ماله فايده في اكثره
بالعربي أني لعلا لقياك لشغوف=يعني اذا تسمح بشوفك خاطري لاتكسره
ياصاحبي مليت انا من سالفة عندي ظروف=مليت انا اسمع دايمآ كل الدروب مسكره
الى متى ياصاحبي بتعيش في رهبه وخوف=والى متى ياصاحبي موعدك اقعد انطره
شوف المشاعر ياحبيبي تشتكي حدالسيوف=مابقى عرق(ن) بقلبي غير بعدك ابتره
يعني الحق مابقى فيني قبل وقتي يطوف=قبل مرسول المحبه يقول روح القبره
فكر بوضع المتيم دام به قلب لهوف=لجل ماتندم على شي(ن)معك ثم تخسره
وقتنا يمشي ولاشي(ن)تغير بالظروف=اما تجيني او ترى بابك بجيك وبكسره

[/poem]

**موسى المشعان** · 16/12/05, (10:12 PM)

الى متى ياصاحبي بتعيش في رهبه وخوف
والى متى ياصاحبي موعدك اقعـد انطـره
شوف المشاعر ياحبيبي تشتكي حدالسيوف
مابقى عرق(ن) بقلبي غير بعـدك ابتـره
يعني الحق مابقى فيني قبل وقتي يطـوف
قبل مرسول المحبـه يقـول روح القبـره

لك تحياتي تسلم يمينك