اعزائي اعضاء وزوار منتدى ويلان
السلام عليكم ورحمة الله وبركاته
يسعدني ان اضع هذه القصيده بين ايديكم والتي تشرفت بالقائها امام خادم الحرمين الملك عبدالله بن عبدالعزيز ال سعود عندما كان ولياً للعهد
أذكر الله واحمده خير معبود = موجدالمعدوم والمرجع اليه
وبعد ذكر اللي خلق مابالوجود = بافضل التسليم معناي ابتديه
يوم ساقة للوفاء نسمات نود = اعتزي له يالمشاعر واعلانيه
موقفي موقف ابائي والجدود = موقف التشريف والله لفتديه
عن صدورآ بوحها نفحات عود = بالولا اللي مايباع لمشتريه
كلنا للراية الخضراء جنود = شعب واحد راية منه وفيه
مانخون وكل خلق الله شهود = امتةً لبس الكرامه ترتديه
مؤمنين وتحت رايات السعود = قادة التوحيد والمبدا النزيه
في قيادة سيدي فهد الفهود = ابوفيصل عزوة اللى يعتزيه
راهياً شبره على غيره يزود = للفخر دايم مشمر ساعديه
وانت ياوجه السعد غيث الكبود = والله انك تاج صرحآ تعتليه
يامطمن هامة الخصم اللدود = ياالشجاع الشامخ الفذ النبيه
ياسخي النفس يالشهم الودود = عطف نفسك كل شعبك يرتهيه
كل خيراً في محياك معقود = منهلٍ عذب والامه ترتويه
للمزيا الطيبه تصعد صعود = فطرةٍ ماهو مزاجاً تهتويه
يابومتعب وصفك النادر يكود = سيرتك تاريخ والمعدن جنيه
سيدي ياسيدي يابن الاسود = خصمكم هو خصمنا من غير ليه
للتفاني عندنا روح الصمود = وامركم مابعده امراً يقتفيه
الخطر قبل الشتايم والوعود = نحسمه باللحظه الى تقتضيه
ماجهلنا بالصوادر والورود = وفعلنا يحكى عنه قبل انحكيه
نعرف اهداف الخوارج واليهود = زمرة الشيطان والنهج الكريه
زمرة الشيطان من صنف القرود = يلعن الله المشبه والشبيه
ادعو بالدين والاعمال سود = زمرةً مابين زور وبين تيه
اي مذهب يتبعونه واي فود = اي حجه للاخو يقتل اخيه
غير ترويع الارامل والرقود = واتباع اهداف ناساً هيه هيه
كفرو شيخ التهجد والسجود = زاهدآ مات وقاره يكتسيه
واتقنوا دور التنكر والصدود=واجحدو حتى بلاغة سيبويه
قادهم من لا يقاد ولا يقود=مارقاً عن حوزة الدين وسفيه
من خذا التوجيه من برا الحدود=وين هو والدين والراي الوجيه
علموا ذيك الخلايا لاتعود=العدو عن دارنا تقصر يديه
ذكروهم فعلنا وقدح الزنود=الضعوف الشرذمه سود الوجيه
وعلموا راس الخيانه والجحود=الحقير اللي يسمونه فقيه
علموا ذاك المنافق والحقود=ان كيد ابليس مرودٍ عليه
مسكنه عقب المعزه باللحود=تحته اكبر بار وفوقه كبريه
شذ ومن شذ للصالي وقود=وانكر امٍ تحضنه وانكر ذويه
مايشق الصف بواق العهود=ولايهز الجمع خاين والديه
والله ان العهد محفوظ البنود=نحفظه في حفظ ربٍ نرتجيه
نحمد المعبود والوضع محمود=في حمى دارٍ حماها نحتميه
دار عز وعزها الله بالاسود=سادةٍ مجد العروبه تحتويه
والولا اللي كلنا دونه نذود= نبتديه وننتهيه ونبتديه
آمرونا لا مركم نرقى السنود=امركم مابعده امرٍ يقتفيه
08/12/05, (06:31 PM)
كلنا للراية الخضراء جنود
العرض العادي
