بسم ألله الرحمن الرحيم
أحبتي في منتدى ويلان
تحيه طيبه
الســـــــــــــــــــــــــــلام عليكم ورحمة الله وبركاته وبعد
يشرفني ان اشارك بينكم بهاذي القصيده الذي قلتها بمناسبة ترقية أخي العزيز الغالي
المقدم طيار/ خلف كريم البجيدي
(أبو تركي)
والمثل يقول من حصل شي يستاهله
والجواد مافيهم قاصر في كل مكان وكل ديره وقبيله فيها حقها من أرجالها0أتمنى من الله العلى القدير
أن تحـــــــــــــــــــــــــوز على رضى الجميع وعذرا ً على الأطاله
وتقبلو تحياتي
سميت بالرحمن وسمه أمبديه=الواحد المعبود جلا جلاله
من بعد ذكر الرب لاخاب راجيه=سطّرة قافن مايدور بداله
قافن على وضح النقا جيت بانيه=محدن سبقني فيه وفلان قاله
الجاش هاض من اوله لين تاليه=ونباج مكنون الحشا ماطراله
والله هو اللي يبخص القلب وش فيه=وشين يكنه للرفيق وصفاله
خطو الرفيق اللي نعزه ونغليه=مثل ابو تركي طيب الله فاله
لشرواه صغته واضحاتن معانيه=ولوجنّبت ياعنك مالي وماله
خلف ولا غيره سمياً يشاديه=خلف كريم يوم جالي مجاله
خلف اليا عدو هل الطيب قلت أيه=طيبه وراثه سلم جده وخاله
خلف عريب الجد والخال ناقيه=ناقيه ( أخوخنسا) من أهل الشكاله
خلف خلف مايختلف في مماشيه=عز الرفيق ومن توّجه وجاله
خلف على مبدا النشاما مباديه=خلف خذا الناموس والعز ناله
خلف ترى شيٍ يريده يسويه=بالعسكريه جت والا رجاله
وكفوأًلها دام الشجاعه اتهقويه=والمرجله دايم بقلبه وباله
وربعه هل الطولات ولاحدٍ ابخافيه=بجايده كلٍ يقوله وقاله
أبمدح اللي يرفع الراس طاريه=وسبحان ربن كمله في كماله
ألله يفكه شر عينن أتراعيه=ينجيه ربي شر خطو الحثاله
بالله مايستا هل المدح راعيه=أسالكم بالله يهل المساله
طيار ومقدم ترى ماتكفيه=ياللي تبون الحق ويضى العداله
عبقى مقص ونجمتينن توازيه=والتاج معهن من على الكتف شاله
يامسندي عبرت لك كل مابيه=وانا أعتبر قصّرت في كل حاله
ويالقرم من غيرك يهمه ويعنيه=طارِ الجماعه مثلكم ويعناله
للطيب اللي عز من جاه ناصيه=وليا نخيته مايشح بحلاله
أليوم جيت أمباركٍ في ترّقيه=مبروك ياراع الوفا والجماله؟
06/12/05, (06:38 AM)
( سلم جده وخاله)
العرض العادي
