تركي2000 و عبدالله جريبيع العنزي - °~*¤®§(§ شبـــكة ويــلان العـربـيـه §)§®¤*~ˆ°

**عبدالله الثابت** · 08/10/05, (09:57 PM)

اسعد الله اوقاتكم بكل خير

هذه المحاوره جرت بين الشاعرين تركي 2000 & عبدالله جريبيع العنزي

اليكم المحاوره

عبدالله جريبيع

مرحبا ترحيبتن نورها يجلى الظلام ****** عند ربع (ن) بالمواقيف حيه نارها

اجتمعنا يالمطيري على عز وسلام ****** ياعساها كل ليله وهذا شعارها

تركي 2000

البقاء والمحترم ماله الا الاحترام ****** والرجال اللي تقدر لها مقدارها

اجتمعنا واجتمعتوا على حسب النظام ****** ان بغيت يمينها وان بغيت يسارها

عبدالله جريبيع

الله يحييك وانته عزيز ولك مقام ****** وكل عاقل لالقاء الطيبه يختارها

العلوم كثار لكن خلك بالسنام ****** الرجال الطيبه ماتبيح اسرارها

تركي 2000

ماعليكم زود بالفعل والا بالكلام ****** مار راع البندقيه يحفظ عيارها

العلوم اللي سوات الهواء قبله وشام ****** ماتهم طوالها ماتهم قصارها

عبدالله جريبيع

انت رجال ثقه من خوال ومن عمام ****** والعرب سيان والفرق حسب انظارها

خل شوفك فوق بين الثرياء والغمام ****** والعلوم المبهمه لاتفك اصرارها

تركي 2000

مانويت الطق والطق فكاك اللحام ****** مار رد جنازة ابليس ياقبارها

انت رجال تعرف الحلال من الحرام ****** لاتخيل الا مزونن تهل امطارها

عبدالله جريبيع

انت لو تعيل ياتركي يلحقك الملام ****** وكل قومن بالمواقف تفك ديارها

انت متولع بليلى وذابحك الغرام ****** والليالي ماتعلم بكل اخبارها

وسلالالالالالامتكم

**حمود نايف الهذيل** · 08/10/05, (10:18 PM)

الاخ عبدالله الثابت .....كل عام وانت بخير

شكرا على نقل هذا الخبر والله انك جزل

لذلك تقبل تحياتي

**بدر الحنيف** · 10/10/05, (04:49 AM)

عبدالله الثابت

اسامي كبيره وطرقهم منتاااااااااااااااااااااااااااز

زودنا من هالمحاورات ولاتنسانا ياعبدالله

محاوره كبيره ومعانيهم مدفونه

**هادي بن معزي** · 13/10/05, (07:21 PM)

عبدالله الثابت

عشت

**عبدالله الثابت** · 04/05/06, (10:49 AM)

اخواني كل من

حمود نايف

العرندس

هادي معزي

اشكركم على مروركم

وبصراحه محاوره جميله جمعت عملاقان وشاعرا متميزان

تقبلوا تحياتي

**مزيد المزيد** · 05/05/06, (10:11 PM)

الاخ عبدالله

تسلم يمينك على هذا النقل المميز لشاعرين كبار ورائعين

عبدالله جريبيع وتركي 2000 اسامي لها بصمتها ووجودها في ملاعب المحاوره

انت متولع بليلى وذابحك الغرام ****** والليالي ماتعلم بكل اخبارها

صح لسانك يابوتركي ولاهنت على هالرد الجميل

دمتم بخير

**سندريلا** · 07/05/06, (03:57 PM)

مشكور اخوي عبدالله