ياســـنا كل الجواهــــر يا ذهــــــب = شفت جده غير بس الــــناس غـــيـــر
جيتها يـوم الخمـــيس اول رجــــب = منتـــــــدب ونا بها مـــانـي خــبــيــر
قلت ما لك ياولـــد غيـــر الكتـــب = ورحت متل الناس في يمة جريــــــر
سارح بيــــن الماثـــــر والخـــطب= بين كتب الاصمعي وبن كـــثـــيـــــر
ماوعيت الا على رمش وهــــــدب=كـــن قلبــــي يمهـــــا يبــــي يطيــــــر
قلت ياقـــــلـــــــبي بلا قــــلة ادب= قـــال تكــــفى قـــلت والله مايصيــــر
انت مايجوز لك طيـــــش وشغـب= الشغــــب والطيــش خـــله للدشــيـــر
قال والله لاشتــــكي وارفــع طــلب = يم هيئة حـــق تقــرير المصيـــــــــر
قلت له ماينفعــــونك يــــاصعــــب = مانـــفـعـوا شعـــب تشـرد با الهجير
مايرد حقــــوقهم غـيــــر الحــــدب= سيف ابي طالب وخالد والزبــــــيـر
المهــــم أنــه تراجع وانـــســحـــب= قــــال انا رهــن الاشــاره ياكبــــير
ويوم ثاني رحــــت والغايـــه رطب= وجيت للدانــــوب والحزه عصيـــر
وجن ثلاث من صدفــهــــن ماكسب= اخلفني بينهــن كـــنــي غـــــريــــر
مادريـــت الا وانــا شـــاري عــنب = تاهــت الالـــوان بعيــــون النذيـــر
قـــلت يالله كــــلها خـــيــــر ووجب= نشكــــر المعبـــود بالرزق الوفـير
ويوم ثالث قلت ابشــــري لي كــنـب= ورحت سوق البدو من بعد الاخـبر
وصدفـتــني عنــدل تمـــشي عجــب= مادريــت الا قـــدم رجـــلي تسيــر
كنها نجمـــه عـــلى حفـــلة طـــرب= اشهـــد أن الـــزين جمهـوره غفيـر
جنبها ذاك الــطويـــل ابو شــنـــب = ياكــبـــر زولـه كبـــر زول البعيـر
غـيــرتــه بالارض ملعون العصب= كيف يرضى بالمخصر والقصيــر
قلت له تـــبــت يـــــدى ابـــي لهب= في شقـــى يـــوم عبوس قمطريــر
لعنبو حـيــــك ترى حــنا عــــرب = استر المجمول مقطوع النظـــــيــر
صاح (أنــدر) قلت تخسى وتعقــب= انكر الاصوات هو صوت الحميــر
وش علامـك قـال أنـا اصل وحسب= ايه أنــا تــاجــر وابــن عمي مديـر
قـــلت جعلك للبــــلا يابـــو حقـــب = الشريف حصان لو فرشه حصيــر
وجو وجـيــه الخيـر والامن استتب= وجيت راجع بين نغمات الاثيـــــر
ماحصل من روحتي غير التعــــب= وكــل تاخيـــره بهـــا خيـــر كثيــر
ويوم رابع زاد هــمـي واكـــتــرب = ورحت للكورنيش باليوم الشهيــر
كنت جالس والـبــحـــر عز الطلب = موج يصفق موج والناتج هديـــر
ومرت قــــبالي فــتــاة مـن لهـــب = ماسكــن يــدها هكا الطفل الصغيـــر
الولد ملـــقــــوف جى يمي هـــرب= وهي تنادي من مكانه يامنــيــر
جى يلاعبني وانا عقـــلي لعــــب = قلت منهي قال دي اختي عبيــر
قلت له من وين جاوب من حلـب= قلت يخز العين( شو هيدا) امير
حاسني المطيور والشاي انسكب = ورغم هذا قمت واعطيته عصير
وهي تنادي يامــنــيــر وتقتــرب = اذكــــر الله كنــها البدر المنيــــر
ومسكت يده وراحت به غصب = الولد يبكي وانا وضعي خطيــر
لاسـلام ولاكــــــلام ولاعـتـــب = ادبــرت مثــــل الغزال المستذير
ورجعت من دون أي ادنى سبب= قلت يالله ياعسى بالامر خـيـــــر
وهمست سر قلب حالي قــلــب= قلت له يابنت ســرك وسط بيـــر
كنها مني وان دم وعـــصــــب = قصتة ولا روايـــــــة شكــسـبـيـر
كلمـــتـيـن ولــعـــة نار وحطب= وســط قــلب يجـذبه سلك الحرير
مادهاني وقتها غـــيــر الغضب= وما ذبحني غــيـر تانيب الضمير
كنها يوم ادبرت بــدر غــــرب = والبحر في ناظــــري كــنه غدير
والمعاني حلقت يم الــسـحـــب = وامــطــــرت قيفان بالجم الغزير
القصايـــــد بالدفاتر تنكــتــب = كـنـــهـــا في غمدها سيف شطير
ليتني ماجيت جده مـنــتــــدب= وليتني من قبل مامــشــي مستخير
26/09/05, (07:22 PM)
غـيــرتــه بالارض ملعون العصب= كيف يرضى بالمخصر والقصيــر
العرض العادي
