عـمـود بـيـتٍ هده الوقـت وافـناه = وحنا عـقب فرقاه ذقنا الـملـيـلـه
مرحوم ياعــــودٍ بعرعر دفـــنــاه = عسى الولى ينشي عليه المخيله
وعسى الحيا طول الدهر مايتعداه = وتصبح ربوع القبر مثل الخميله
ابوسعـد تعـطي الجـزيلات يـمناه = كريم سبلا عـزوت اللي يجي لـه
عودٍ بوقت الضيق سمحٍ محـيــاه = راعي العـلوم الطيبات الجزيـلــه
مثل الجـبل لضامنا الدهـر ننصاه = وعند الضما نلقاه مثل الثـمـيـلـه
يالله عسى من وحشة القبر تاقاه = وتجعـل لحد قـبره جـنانٍ ظـليلــه
وبالمغـفره والعـفـو يارب تجـزاه = ويارب تدمـح زلـتـه والخـمـيـلـه
ويارب تلهمنا الصبر عـقب فرقاه = وتعين ابوماجد لشيل الـثـقـيـلـه
وحنا نتعزا عن عزا اللى فـقـدناه = في عـز ابوخـالد سنينٍ طـويـلـه
عبدالله ابن مساعد الله يرعــــــاه = الحـاكـم اللي مالـقـيـنـا مـثـيـلــه
كل الخصال الطـيـبـه من مزايــاه = وكل المراجل ضفها في شـليـله
عزالله انه هـقـوت اللي تـهـقــواه = ربيع في وقت السنين المحـيـله
مادام راسه حي فالـيـتـم نـنـســاه = فيه العوض لو الفـقـيـده جـليله
احمد بن عبدالرحمن العريفي
(نديم المجره)
08/06/14, (04:15 PM)
رثاء الشيخ / محمد بن عبدالله العريفي....... رحمه الله
العرض العادي
