لا زلت بين مفارقه و الرجا به

[سعد النفج]

مصافحة بعد انقطاع
.
.

غاب الوحيد اللي نثر دمعة الصمت= و استوطن بدار الألم و الكآبه
هذي نهاية رحلتي دامي أُرغمت=على الجواب و هذي انسب اجابه
لأني وفيت و بالنهايه تألمت=و اتعبت نفسي بالرجا و الكتابه
على كثر ما صار لي ما تعلمت=الله يسامح من كسرني غيابه
اكذب اذا قلت اربع ايام ما نمت =لا والله الا نمت / بس بغرابه
انام و اصحي و ان فزع خافقي قمت=اترك فراشي ثم اطارد سرابه
شفته هنا .. لا والله الا توهمت=لا ! ما اتوهم .. فيه حالة تشااابه
معي معي حتى لو اني تحلمت=القاه قدامي مسوي رقابه
ليته يشاهدني بعينه اذا نمت =ما كان عرضني شقاه و عذابه
فرقاه صعب و من رحل ما تبسمت=يسرق بقايا بسمتي باغترابه
منحته حروف الغلا ما تندمت=و لا زلت بين مفارقه و الرجا به

[اللحالي الغيداني]

سعد النفج

صح لسانك على هالجزله من شاعرها الجزل ؟ و الحرف الصادق

ياولد اخوي هالاسلوب والله عجبني يالغالي تحياتي للجميع سلام

[سعد النفج]

صح بدنك يالغداني و شرفتني بحضورك يالغالي ..

[الحوراء بنت نجد]

سعد النفج

رائعه من روائعك حرف متألق في فضاء البوح

ومعاني تهامس الذائقه صح لسانك شاعرنا

لك تقديري

[نافع عيد الجديد]

الغالي سعد النفج
صح لسانك وسلم بوحك الجميل
مبدع دائما ولاغرابه في ذالك