الادمي ماهو وكيل ادم على ذريته - °~*¤®§(§ شبـــكة ويــلان العـربـيـه §)§®¤*~ˆ°

**معيض بن عريفج** · 06/07/13, (02:53 AM)

[align=center]


	الادمي ماهو وكيل ادم على ذريته = لكن عليه حقوق لأخوانه وهو له واجبات دون المواقف مايحسب وش كثرصرفيته = والمال يفنا والعمر والباقيات الصالحات وقفتك في جنب الضعيف في طرف قضيته = لله ماتبغا وراها شهره ولامجاملات وقولت هلا للضيف من يقبل بأول جيته = والفال يتليه العقال من الجزال الطيبات والخاطر اللي مسفهل وتبتسم نفسيته = طبيعتن ماهي تصنع وكل شخص وله صفات ومناصح المخطي عقب ماتتضح خطيته = بينك وبينه لاتحطه في مواقف محرجات وحلمك على الجاهل وتوجيهه وتدمح سيته = تدعوه بأخلاقك الى ترك الامور الباطلات وشخص(ن)مايتملك عقول الناس بأنسانيته = ماعاد له سلطه على عيال الاوادم والبنات وخل النواياطيبه والشخص يلقا نيته = هي خير يلقاخير ولاشر يلقا .المشكلات والوقت لاتامن ثعابينه وتامن حيته = والحذر واجب والغبا لأهل العقول الغايبات ومن يمتلك مالٍ وفير وثقل في جاهيته = لاتحسده واذكر عليه الله رب المعجزات وان شفت مجنونا يهوبل رايحه عقليته = احذرتشمتبه وقل يارب سترك والنجات فلا تمهزابه ويبلاك الله بجنيته = وتصيرمثله واليالي مقبلات ومدبرات ولاتجادل الاحمق ولالك شغل بخصوصيته = العلم يبي عقل واذاناً. للأنصح صاغيات الموت لوله طب ماشفت الجنايز ميته = كرامت ألميت يكفن باللحد بعد الممات واصبر على الشدات فأن الرجل من شخصيته = واحذر تبين لأهل النمه جروحأ خافيات ويفرح بها اللي شايل(ن) خبثه تحت طاقيته = على الشماته والكلام خيول شره مسرجات والجا الى اللي تخضع الثقلين ليلاهيته = الى انتها ثلثين ليلك ناج ربك بالصلاة مدات خلقه ما تجي كرمه من اكراميته = الملك له جلاجلاله منزه بكل الصفاة هو الذي يرزق خشاش(ن)بالضلام مبيته = والانس ووحوش الصحاري والطيور الطايرات ومن يحتزم بالسيف والبندق وفي جنبيته = عن السموم بفي والمارد على نهر الفرات ومن يحتزم لايحتزم بأهل العزوم الميته = اهل الدمي البارده واهل الطبوع السامجات .

**عاشق المشتاق** · 07/07/13, (09:14 AM)

صح لسانك مليون يامعيض وبارك الله لك بفكرك الناضج

مبروك عليك وعلى الجميع قدوم الشهر الكريم

الله يعيده علينا وعلى جميع المسلمين بالخير والمسره

**الصقار** · 08/07/13, (12:40 AM)

صح لسانك وسلمت قصيده وافيه من شاعر وافي تقبل تحياتي

**حمد الضوّي** · 13/07/13, (05:11 AM)

الشاعر القدير

معيض بن عريفج

أبارك لك حلول هذا الشهر الفضيل
وأقول لك كل عام وأنت بخير وعافيه وصحه وسلامه

والجا الى اللـي تخضـع الثقليـن ليلاهيتـه
............................الى انتها ثلثين ليلـك نـاج ربـك بالصـلاة
مدات خلقه ما تجـي كرمـه مـن اكراميتـه
............................الملك لـه جلاجلالـه منـزه بكـل الصفـاة
هو الذي يـرزق خشاش(ن)بالضـلام مبيتـه
............................والانس ووحوش الصحاري والطيور الطايرات

صح لسانك وإعتلى شانك لقد ابدعت بارك الله فيك
وليس غريب عليك ذلك فأنت من يصنع الإبداع

أنقى تحيه

**سعد النفج** · 11/08/13, (02:32 PM)

الشاعر المتألق / معيض ابن عريفج ..
شاعر من الطراز النادر , و الذي يمتلك اسلوب رائع و لديه مخزون هائل من المفردات التي جمَّل
بها هذا النص الفاخر ..
تسلسل و دهاء في صياغة النص ..
صح لسانك يا متألق و لله درك ..

**مشاري بن فالح** · 09/10/13, (09:27 AM)

ابداااااااااع يالذيب

صح لسانك ملايين

واعتلا شانك

نص رائع بمعنى الكلمة