ماني من اللي لا طعنته يعذربك ,,,,,

[سالم صالح]

بسم الله الرحمن الرحيم ,,, والصلاة على اشرف الانبياء والمرسلين ,,,,,,,,,,


ابيات متواضعة اتمنى ان تنال اعجابكم واستحسانكم واعتذر لجميع اعضاء ويلان الاكارم على غيابي هذة المدة ولكن تبقى ويلان في القلب فهي من عرفتنا بمجموعة مميزة اخلاقاً وفكراً

ماني من اللي لا طعنته يعذربك=لكن بقدم لجل تفهم نصيحة
ان كان ماعلمك للطيب شايبك=اعرف ترى طعنة خويك فضيحة
ومن ساعدك لين تجاوز نوايبك=هذا هو اللي خوته لك صريحه
وفي غيبتك من كان يستر معايبك=اكرم عليه وادعله في ضريحه
وجارك عليك ان جار لا يشين مذهبك=اصبر عليه وقدره واستبيحه
وان ماكفاه الطيب شد لركايبك =ارحل ترى ربك دياره فسيحة
وان كان تبغى صافي الفعل مشربك=لاتعود يدينك لمد الشحيحة
والله فلا يهدم مباني مضاربك=الا البخل والبخل عادة قبيحة
ولا يبني العزة اذا الصدق يعجبك=الا الكرم يرفع بيوتٍ طريحه
ولا تأمن الهرجة تجي من قرايبك=وتلقى مع الاجناب نية صحيحة
هذي هي الدنيا دروبٍ تشيبك=ناسٍ بها مثل الحيايا فحيحه
واعرف ترى متعة حياتك بتسلبك=وقتك وعندي لجل نفسك نصيحة
اد الفريضة قبل ربك يحاسبك=واتعب على الجزلة وبيض الصفيحة

وسلامتكم ’’’’

[حمد الضوّي]

الشاعر القدير

سالم صالح

صح لسانك وإعتلا شانك قصيده أكثر من رائعه
تحتوي على كثير من معاني النصح والإرشاد والحكم
بيض الله وجهك ولا فض فوك وبلاشك فهذه الشامخه تشفع
لك غيابك الذي أتمنى ألا يدوم .....

أجدت بارك الله فيك



أنقى تحيه

[**masha3el **]

الشاعر الراقي

سالم صالح

صح لسانك على النص الجميل الذي يحمل رساله فيها معاني شامخه وساميه

نص يستحق العوده ?جله ومنتدى ويلان يستحق القصائد الجميله

تقبل تقديري واحترامي