أول الموعد مساء الخير ومعانق ولايف = أبتدى موعد القمراء زلال وشاعريه
سيرت فيه السوالف على جمر الشفايف = وعّـن للسامر تخافيق طار وسامريه
قبل هاذي مالغيرك ولا ذرة حسايف = وبعد هاذي مابقى شف وأنت الجاذبيه
كيف أوصّـف وأنت الاوصاف يازين الاوصايف = ليه أوصّـف وأنت ناعم وصاخب نرجسيه
الـ .. عـيـونك ياعيون أشقرٍ هام النوايف = الطعون اللي بخفاقي من أرماحك هــديه
والجروح اللي ليا غبت لغيابك خلايف = ماهي أجروح أعتبرها بعض حقك عليّه
شف أطعونك زرق وشلون لو مانت رايف = ياثقل فرقاك وأنت لعذابك قابليه
لا تظن أن اللي ببالي مقابل للكلايف = ولا تفكر قبل أجي لك مبّيتها بنيه
مقصدي ماكان قصدي وأنا ماني بعايف = العطاء اللي لاعطيته يبادلك العطيه
أدري أني ماعذرتك وأنا للوضع شايف = وتدري أنك لو تعذرت ماهي مقدريه
بيننـا ياشيـخـة الغـيـد أظــن الـشــك زايـــف = من كثر ما أغليك عاتبتك بليا خطيه
العتب غير العتب ذاك بعتاب الولايف = يختلف لو كان الاسباب هاذي مثل ذيه
سِّـمْح الله درب خلن على الصعب أيتهايف = يكسر ظروفه ولا ينكسر خاطر خويه
.
.
07/05/13, (02:07 AM)
شـف أطـعـونـك !!
العرض العادي
