الحي موحش - °~*¤®§(§ شبـــكة ويــلان العـربـيـه §)§®¤*~ˆ°

**محمد الصندلي** · 31/08/12, (07:42 PM)

شيخ الروابع فج صدر الهواجيس=بشلفا لها فالحدب وقع ومضارب
نزيفها كوّن بصدري تضاريــس=وبحر المواجع شال ألفين قارب
الحي موحش والمنافذ وساويس=وشهب المراتع حقلهم للتجارب
ماني بناقص كيل والوزن تدليس=صحيح من قال الآقارب عقارب
بشار واثق يلعب النرد والكيس=مربوط يادرعا بسدد وقارب
الله يسّود وجه خلف الكواليـــــس=ذراه يستدخل كثير العذارب
ناسن على الشمعه وضوء الفوانيس=يبنون عشن أسسه قلب خارب
مبداي طمعني على عرش بلقيس=وربي مسيّرني بليّا ماآرب
شاعر وعندي ذوق وأملك أحاسيس=وأعشق مصامخ داسمين الشوارب
وأقدر الوافين وأما أخوة أبليس=الفار ماننسى هدم سد ماأرب
الي هب ذعذاع الرجوله نسانيـــــــــس=نوّرت للشغموم بيض الكهارب
ياركب خوذوني على رحّل العيــــس=خرع الآذاني مارقات الغوارب
لديار سفّانة طنا والسناعيـــــــــس=با أرحل ولاهي بااستراحة محارب
وأودع الغالين وأهل النواميس=(سبيع ربعي مهلكة كل حـــــــــارب )

**خلف الغريب** · 01/09/12, (08:47 AM)

شاعر وعندي ذوق وأملك أحاسيس = وأعشق مصامخ داسمين الشوارب
وأقدر الوافين وأما أخوة أبليس =الفار ماننسى هدم سد ماأرب
الي هب ذعذاع الرجوله نسانيـــــــــس = نوّرت للشغموم بيض الكهارب

كبير ياابو زيد والكبير الله

صح لسانك وسلم بوحك الفاخر ...

ونعم فيك وفي سبيع كلها وشكراً لهذا الطرح الفاخر ...

**ابراهيم السلمي** · 01/09/12, (11:29 AM)

ماشالله

راائعه وثمينه وابداع يفوق الوصف

صح الله لسانك

دمت بكل الود

**حمد الضوّي** · 01/09/12, (02:15 PM)

محمد الصندلي

صح لسانك مدد بلا عدد
وابداع بلا حدود لافض فوك وبيض الله وجهك
والف شكر على الإتحاف بهذه النادره

انقى تحيه

**هندي المقبل** · 01/09/12, (08:32 PM)

كفو والف نعم بك وفي ربعك

الشاعر محمد الصندلي صح لسانك على هذه القصيده الجميله
مبدع وامتعتنا بهذا الابداع فشكرا بك

**سعود المسعودي** · 02/09/12, (10:48 AM)

كفو والف نعم بك وفي ربعك

الشاعر محمد الصندلي صح لسانك على هذه القصيده الجميله

مبدع وامتعتنا بهذا الابداع فشكرا بك

**محمد الصندلي** · 05/09/12, (03:14 AM)

العملاق
خلف الغريب
واخي الغالي
شرفتنى وشرفت متصفحي سلمت ولاهنت